راشٹریہ لوک دل کے ریاستی صدر ڈاکٹر مسعود احمد RLD state president Masood Ahmed نے ہفتہ کو اپنے عہدے سے استعفی دے دیا۔ ریاستی صدر نے پارٹی صدر جینت چودھری کو لکھے اپنے کھلے خط میں پارٹی اعلی قیادت کے خلاف سنگین الزامات عائد کئے ہیں۔
ریاستی صدر نے اسمبلی انتخابات میں لیڈر شپ پر ٹکٹ فروخت کرنے، دلت اور اقلیتوں کے مسائل پر خاموش رہنے اور آرایل ڈی۔ ایس پی اتحاد کے لیڈروں کا استعفی نہ کرنے کا الزام لگایا ہے انہوں نے اپنے خط میں انہیں نکات پر پارٹی کی ہار کا اصل سبب قرار دیا ہے۔
مسعود نے کہا کہ سماج وادی پارٹی کے 10 امیدوار آر ایل ڈی کے نشان پر انتخابی میدان میں اترے، لیکن آر ایل ڈی کا ایک بھی امیدوار ایس پی کے نشان پر انتخابی میدان میں نہیں اترا ،باوجود اس کے کہ جینت چودھری نے بذات خود ایسا اعلان کیا تھا۔
انہوں نے ایس پی سربراہ اکھلیش یادو ار جینت چودھری سے 21مارچ تک جواب طلب کیا ہے۔
انہوں نے لکھا ہے 'اگر آپ چاہیں تو مجھے برخواست کرسکتے ہیں، لیکن ان نکات 21مارچ کو ہونے والی میٹنگ سے پہلے یا بعد جواب دینے کی زحمت گوارہ کریں بصورت دیگر میرے اس خط کو پارٹی کے عہدے اور پرائمری ممبر شپ سے میرا استعفی تسلیم کریں۔
یو این آئی
