مسٹر مودی نے حکام کو ہدایت دی ہے کہ وہ ہندوستان میں بین الاقوامی پروازیں International Flight کھولنے کے منصوبے کا جائزہ لیں اور اس سمت میں احتیاط سے آگے بڑھیں۔
ایک سرکاری بیان کے مطابق، اس میٹنگ میں مسٹر مودی کو کووڈ-19 کی نئی افریقی شکل کے بارے میں بتایا گیا، جسے عالمی ادارہ صحت نے اومیکرون Omicron کا نام دیا ہے۔ بیان کے مطابق مسٹر مودی نے عہدیداروں کو ہدایت دی کہ نئے خطرے کے پیش نظر بچاؤ پر زیادہ توجہ دیں۔ بیان میں کہا گیا ہے، ’وزیراعظم نے حکام کو ہدایت کی کہ وہ نئے ابھرتے ہوئے شواہد (کووڈ-19 کی نئی شکل) کے پیش نظر بین الاقوامی سفر International Travel پر پابندیوں میں نرمی کے منصوبے کا جائزہ لیں‘۔
یہ بھی پڑھیں:
Pfizer on Omicron Variant: فائزر کا 100 دنوں کے اندراومیکرون ویریئنٹ کا ویکسین تیار کرنے کا دعویٰ
میٹنگ میں وزیر اعظم نے اس بات پر زور دیا کہ کووڈ وبا کے نئے خطرے کے پیش نظر عوام کو بھی احتیاطی تدابیر پر عمل کرنا چاہیے جیسے کہ ماسک پہننا اور عوامی مقامات پر ایک دوسرے سے فاصلہ برقرار رکھنا۔
انہوں نے کہا ہے کہ ’خطرے میں پڑنے والے ممالک‘ سے آنے والے ہر مسافر کا اعلان کردہ قوانین اور ہدایات کے مطابق سختی سے طبی معائنہ کیا جائے گا۔
یو این آئی
