سید مشتاق علی ٹی۔20 ٹورنامنٹ میں37 گیندوں میں ہی دوسری تیز ترین سنچری کا ریکارڈ اپنے نام کرنے والے اور ریاست کیرالا کا نام روشن کرنے والے جارحانہ سلامی بلے باز محمد اظہر الدین نے کہا کہ انہیں اننگز کا آغاز کرنا زیادہ آرام دہ محسوس ہوتا ہے اور وہ بلا کسی جھجھک کے اننگ کا افتتاح کرتے ہوئے تیز گیندبازوں کو کھیلنا پسند کرتے ہیں۔ حالانکہ انہیں حالیہ دنوں میں مڈل آرڈر میں بیٹنگ کروائی گئی تھی۔
بھارتی کرکٹ ٹیم کے سابق کپتان محمد اظہرالدین کے نام کی مناسبت پر انہوں نے کہا کہ ان کے 7 بھائی ہیں اور سبھی کرکٹ سے بہت زیادہ دلچسپی رکھتے ہیں تاہم ان کے سب سے بڑے بھائی نے اظہر الدین کے نام پر ان کا نام رکھا ہے۔ انہوں نے مزید کہا کہ آئی پی ایل ان کے مقاصد میں شامل ہے لیکن اس کے بارے میں وہ ابھی نہیں سوچ رہے ہیں۔
