Reaction on Amit Shah's Statement امت شاہ کے بیان پر گجر بکروال اور پہاڑی آبادی کے رہنماؤں کا ردعمل

پہاڑی رہنماؤں کا کہنا ہے کہ آنے والے اسمبلی انتخابات میں بی جے پی کی حمایت کریں گے جب کہ گجر بکروال رہنماؤں نے بتایا کہ وہ انتخابات کے وقت پر ہی اس پر فیصلہ کر سکتے ہیں۔ Reaction On Amit Shah's Statement

سرینگر: وزیر داخلہ امت شاہ نے جموں و کشمیر کے تین روزہ دورے کے دوران دو عوامی ریلیوں میں یونین ٹریٹری کے پہاڑی آبادی کو جی ڈی شرما کے سفارشات کے مطابق ریزرویشن دینے کا اعلان کیا۔ جموں و کشمیر کی گجر بکروال آبادی پہاڑی کو درجہ فہرست طبقہ کے زمرے میں ریزرویشن دینے کی شدید اپوزیشن کر رہی ہے۔ گجر بکروال طبقے کی آبادی کا کہنا ہے کہ پہاڑیوں کو زبان کی بنیاد پر درجہ فہرست طبقے کے زمرے میں شامل کرنا انکی حق تلفی ہوگی کیونکہ پہاڑی گجر بکروال سے آباد ہے اور پہاڑی ہونا کوئی تہذہبی درجہ نہیں ہے۔ Reaction of Gujjar Bakarwal and Pahadis leaders to Amit Shah's statement

تاہم امت شاہ کے بیان کے بعد دونوں آبادیوں میں جاری تناو کی شدت کم ہوگئی ہے اور وزیر داخلہ کے بیان سے دونوں آبادیاں راضی ہوئی ہیں۔ ای ٹی وی بھارت نے گجر بکروال اور پہاڑی رہنماوں سے امت شاہ کے بیان پر تاثرات جاننے کی کوشش کی۔ پہاڑی رہنماوں کا کہنا ہے کہ آنے والے اسمبلی انتخابات میں بی جے پی کی حمایت کریں گے جبکہ گجر بکروال رہنماوں نے بتایا کہ وہ انتخابات کے وقت پر ہی اس پر فیصلہ کر سکتے ہیں۔