کسانوں کے متحدہ محاذ کے جانب سے 5 ستمبر کو مظفر نگر میں بلائی گئی کسان مہا پنچایت تاریخی ہوگی۔ کسان رہنماؤں کی طرف سے اس بات کا اظہار کیا جا رہا ہے کہ اس پنچایت میں لاکھوں کسان جمع ہوں گے اور اس سے بھی اہم بات یہ ہے کہ اس مہا پنچایت میں ملک کی ہر ریاست کی نمائندگی ہوگی۔ یوپی، پنجاب، ہریانہ اور راجستھان کے علاوہ کرناٹک، تمل ناڈو اور کیرالہ جیسی ریاستوں سے کسان آنے شروع ہو گئے ہیں۔
راکیش ٹکیت نے کہا کہ کسان اور مزدور 5 ستمبر کی مہا پنچایت کو اپنی عزت سے جوڑ کر دیکھ رہے ہیں۔ اس سوال پر کہ کتنے لوگ مہا پنچایت تک پہنچیں گے، انہوں نے کہا کہ نمبروں کی بات چھوڑیں، مظفر نگر کی پنچایت تاریخی ہوگی۔
یہ بھی پڑھیں:
دہلی ہائی کورٹ میں فسادات کے الزام میں گرفتار 5 افراد کی ضمانت منظور
5 ستمبر کی کسان مہا پنچایت مظفر نگر کے سب سے بڑے (جی آئی سی گراؤنڈ) میں منعقد ہوگی۔ آس پاس کے چار میدانوں میں بھی کسانوں کے لیے انتظامات کیے گئے ہیں۔ مہاپنچایت کے اسٹیج کو براہ راست نشر کرنے کے لیے ان تمام میدانوں میں بڑی سکرینیں لگائی جا رہی ہیں۔
کہا جا رہا ہے کہ پورے شہر میں تقریبا پانچ سو لنگر مہاپنچایت میں پہنچنے والے کسانوں کے لیے قائم کیے جائیں گے۔ مہا پنچایت کے لیے بنائے گئے پارکنگ مقامات پر لنگر کی خدمت ہوگی۔
