چنڈی گڑھ: عام آدمی پارٹی کے چیف ترجمان مالویندر سنگھ کانگ نے کہا کہ پچھلی حکومتوں نے صرف عوام کو بے وقوف بنایا اور ٹیکس کے پیسوں سے اپنی تجوریاں بھریں، لیکن وزیر اعلیٰ بھگونت مان کی قیادت میں عآپ حکومت اپنے تمام وعدے پورے کر رہی ہے۔ حکومت کے قیام کے صرف چھ ماہ میں مان سرکار نے عوام کے مفاد میں کئی تاریخی فیصلے کیے ہیں۔Punjab AAP presents report card
انہوں نے کانگریس اور اکالی دل سے سوال کیا اور ان سے یہ ثابت کرنے کو کہا کہ کیا ان کی حکومتوں نے پہلے چھ مہینوں میں عآپ حکومت سے زیادہ کام کیا ہے۔ کانگ نے کہا 'میں کانگریس لیڈر پرتاپ سنگھ باجوہ اور ایس اے ڈی کے سربراہ سکھبیر سنگھ بادل کو چیلنج کرتا ہوں کہ وہ اپنے دہائیوں پرانے دور حکومت میں حکومت سازی کے چھ ماہ کے اندر کسی بھی بڑے کام کو ثابت کریں۔
انہوں نے کہا کہ کانگریس اور اکالی دل کی حکومتوں نے صرف عوام کو لوٹا ہے۔ دونوں پارٹیوں کے لیڈر عآپ حکومت کے صاف ستھرے کاموں سے تنگ آچکے ہیں، اس لیے وہ جھوٹے الزامات لگا کر حکومت کو بدنام کرنے کی کوشش کر رہے ہیں۔عآپ حکومت کے عوامی فلاحی کاموں کا ذکر کرتے ہوئے کانگ نے کہا کہ مان حکومت نے اپنے انتخابی وعدے کے مطابق 20,000 نوکریاں دی ہیں اور 9000 کنٹریکٹ ملازمین کو مستقبل کیا ہے۔ انہوں نے کہا کہ پنجاب ایک زرعی ریاست ہے، پنجاب کی پوری معیشت کا دارومدار زراعت پر ہے، اس کے باوجود سابقہ حکومتیں اسے بہتر بنانے میں مکمل طور پر ناکام رہیں، تاہم پنجاب کی تاریخ میں پہلی بار مان حکومت نے مونگ کی خریداری پر کم از کم امدادی قیمت (ایم ایس پی) جاری کی۔
پنجاب کے پانی اور زمین کی زرخیزی کو بچانے کے لیے پنجاب حکومت کسانوں کو 1500 روپے کی مراعاتی رقم دے رہی ہے۔ مالوا خطہ کے کپاس کے کسانوںسے زیر التواء معاوضے کو بھی مان حکومت نے منظوری دی۔ گنے کے کاشتکاروں کے طویل عرصے سے واجب الادا واجبات بھی کلیئر کر دیے گئے ہیں اور ڈیفالٹر شوگر ملوں کی جائیدادیں قرق اور نیلام کی جا رہی ہیں۔
یو این آئی
