کرن بیدی نے عہدہ چھوڑنے کے بعد کہا کہ 'میں حکومت ہند کا شکریہ ادا کرتی ہوں کہ میں نے بطور لیفٹیننٹ گورنر پڈوچیری کی خدمت میں تاحیات تجربہ کیا۔ میں ان سب کا بھی شکریہ ادا کرتی ہوں جنہوں نے میرے ساتھ قریب سے کام کیا۔ میں بڑی گہرائی سے اطمینان کے ساتھ کہہ سکتی ہوں کہ اس کام کے دوران 'ٹیم راج نواس' نے بڑی دلچسپی کے ساتھ عوام کی خدمت کے لئے تندہی سے کام کیا۔'
میری آئینی اور اخلاقی ذمہ داریوں کو نبھانا، ایک مقدس فریضہ تھا۔ پڈوچیری کا ایک روشن مستقبل ہے۔ یہ اب لوگوں کے ہاتھ میں ہے۔
خوشحال پڈوچیری کی خواہش مند۔ کرن بیدی
غور طلب ہے کہ صدر رامناتھ کووند کے دفتر سے جاری بیان میں بتایا گیا کہ ڈاکٹر بیدی کو پڈوچیری کے لیفٹننٹ گورنر کے عہدہ سے ہٹا دیا گیا ہے۔
مزید پڑھیے: کرن بیدی کو پڈوچیری کی لیفٹننٹ گورنر کے عہدہ سے ہٹایا گیا
بیان کے مطابق تلنگانہ کی گورنر تملسائی سندر راجن کو پڈوچیری کے گورنر کی اضافی ذمہ داری سنبھالے کی ہدایت جاری کی گئی ہے۔ محترمہ سندر راجن پڈوچیری کے گورنر کے عہدہ کے لئے باقاعدہ انتظام ہونے تک وہاں کا کام کاج سنبھالیں گی۔
