وزیر اعظم مودی نے کہا، جب میں نے تین سال قبل پوروانچل ایکسپریس وے کا سنگ بنیاد رکھا تھا، تب یہ نہیں سوچا تھا کہ میں ہوائی جہاز سے اس ایکسپریس وے پر اتروں گا۔
یہ یوپی کا فخر ہے، یہ یوپی کا کمال ہے۔ پوری دنیا میں جس کو بھی اتر پردیش کے لوگوں کی قابلیت پر ذرا سا بھی شبہ ہے وہ آج سلطان پور آکر اتر پردیش کی طاقت دیکھ سکتا ہے۔ جہاں 3-4 سال پہلے صرف زمین تھی، اب وہاں سے اتنا جدید ایکسپریس وے گزر رہا ہے۔
انہوں نے کہا کہ چند ہفتے قبل کشی نگر میں بین الاقوامی ہوائی اڈے کا افتتاح کیا تھا اور آج مجھے پوروانچل ایکسپریس وے آپ کے حوالے کرنے کا اعزاز حاصل ہوا ہے۔ اس سے غریبوں کے ساتھ ساتھ متوسط طبقے کو بھی فائدہ ہوگا۔ آج پوروانچل ایکسپریس وے یوپی کے اس فرق کو ختم کررہا ہے، یوپی کو ایک دوسرے سے جوڑ رہا ہے۔'
یہ بھی پڑھیں:
قابل ذکر ہے کہ پوروانچل ایکسپریس وے لکھنؤ سے شروع ہوکر غازی پور تک جاتا ہے، جس کا فاصلہ تقریباً 340 کلومیٹر ہے۔ یہ ریاست کے لکھنؤ، بارہ بنکی، ایودھیا، امبیڈکر نگر، امیٹھی، سلطان پور، اعظم گڑھ، مئو اور غازی پور اضلاع کی حدود سے گزرے گا۔
