اتراکھنڈ میں عام آدمی پارٹی کی انتخابی اسٹیئرنگ کمیٹی کے چیئرمین بننے کے بعد ضلع ادھم سنگھ نگر پہنچے پارٹی رہنما وسبکدوش کرنل اجے کوٹھیال کا کارکنوں نے زوردار استقبال کیا۔
پارٹی آفس میں ایک پریس کانفرنس سے عآپ کے سی ایم امیدوار کرنل اجے کوٹھیال نے بی جے پی اور کانگریس کو ہدف تنقید بناتے ہوئے کہا کہ 'دونوں سیاسی پارٹیوں نے اتراکھنڈ کے عوام کو گزشتہ 21 برسوں سے بے وقوف بنا رکھا ہے، جنہوں نے ریاست میں ترقی کے جھوٹے وعدوں کے ساتھ اقتدار پر قبضہ کیا، لوگوں نے اب دونوں پارٹیوں کو پہچان لیا ہے، اس لئے لوگ تیزی سے اتراکھنڈ میں عام آدمی پارٹی میں شامل ہورہے ہیں۔
مزید پڑھیں: بریلی: احتجاج کے بعد پوسٹ آفس ملازم بحال
انہوں نے دعویٰ کیا کہ آنے والے انتخابات میں عآپ کی حکومت بنے گی، جس کے بعد پہاڑیوں اور ترائی کے لوگوں سے تمام کیے گئے وعدوں کو پورا کیا جائے گا۔
