جموں و کشمیر کے جنوبی ضلع اننت ناگ کے حلقہ انتخاب کوکرناگ کے درگملہ اہلن کے لوگوں نے شکایت کی ہے کہ علاقے میں بجلی کی ترسیلی نظام بدحالی کا شکار ہے۔ ان کا کہنا ہے کہ مذکورہ علاقے میں بجلی کے کھمبوں کا فقدان ہے، جبکہ ترسیلی لائن کا نظام کافی بوسیدہ ہو چکا ہے، جس کے باعث مقامی لوگوں کو شدید مشکلات کا سامنا کرنا پڑ رہا ہے۔Poor Electricity System Irks Residents Of Drugmulla Ahlan
لوگوں کا کہنا ہے کہ ہم نے خود علاقے میں لکڑیوں کے چھوٹے چھوٹے کھمبے نصب کئے ہیں، جبکہ بیشتر مقامات پر بجلی کی ترسیلی لائنیں مختلف درختوں کے ساتھ لٹکی ہوئی ہیں، جو کافی بوسیدہ ہونے کے ساتھ ساتھ ان میں مختلف جگہوں پر گانٹھ لگے ہوئے ہیں۔ انہوں نے کہا کہ جب برف باری کا موسم شروع ہوجاتا ہے تو گنجان آبادی بجلی سے کئی دنوں تک محروم ہوجاتی ہے۔
مزید پڑھیں:
مقامی لوگوں نے انتظامیہ سے درخواست کی ہے کہ مذکورہ علاقے میں بجلی کے نظام کو فعال بنانے کے لئے ٹھوس اقدامات کیے جائیں تاکہ لوگوں کی مشکلات کا ازالہ ہوسکے۔
ای ٹی وی بھارت نے فون پر یہ معاملہ محکمہ بجلی کے اسسٹنٹ ایکزیکیوٹو انجینئر فیاض احمد کی نوٹس میں لایا تو انہوں نے کہا کہ مذکورہ علاقے میں بجلی کے نظام کو درست کرنے کے لئے محکمہ کی جانب سے باربڑ وائر اسکیم کا اہتمام عمل میں لایا جا رہا ہے، جس کے تحت مذکورہ علاقے میں بجلی کی خستہ حالی کو جلد بحال کیا جائے گا۔
