ریاست اترپردیش کے سہارنپور کرائم برانچ اور تھانہ کوتوالی صدر پولیس نے گاڑی کی چوری کے الزام میں پانچ ملزمان کو گرفتار کیا ہے اور ان کے قبضے سے 15 گاڑیاں ضبط کی ہیں جن میں ایک بولیرو پک اپ، ایک آئی سر کنٹینر، ایک مہندرا ٹریکٹر، پانچ موٹر سائیکل کے علاوہ غیر قانونی اسلحہ برآمد کیا ہے۔
سہارنپور کی کرائم برانچ پولیس اور کوتوالی صدر پولیس کو آج اس وقت بڑی کامیابی ملی ہے، جب پولیس نے چوری کے الزام میں پانچ ملزمان کو گرفتار کیا، جو اب تک سیکڑوں گاڑیاں چوری کر چکے ہیں۔
سہارنپور کے نئے ایس ایس پی آکاش تومر کی قیادت میں پولیس نے آج چوروں کے ایک گروہ کا پردہ فاش کیا ہے، سہارنپور پولیس نے پانچ ملزمین کو گرفتار کیا جبکہ دو ملزمین ابھی تک فرار ہیں، پولیس کی جانب سے مفرور ملزمان کی تلاش جاری ہے جبکہ سہارنپور پولیس کا یہ بڑا کارنامہ بتایا جارہا ہے۔
مزید پڑھیں:۔ پونچھ: پولیس نے چوری شدہ 50 فونز برآمد
گرفتاری کرنے والی ٹیم کو ایس ایس پی کی جانب سے 25000 روپے کے انعام کا اعلان بھی کیا گیا ہے، سہارنپور کے ایس ایس پی آکاش تومر نے پریس کانفرنس میں اس واقعہ کا انکشاف کیا اور کہا کہ یہ لوگ حادثات میں تباہ ہوجانے والی گاڑیوں کے چیچس نمبر کو چوری کی گئی گاڑیوں میں استعمال کرتے تھے اور غیر قانونی طور پر ان گاڑیوں کو فروخت کرنے کام کرتے تھے۔
