پردھان منتری آواس یوجنا کے تحت 56368 مکانات کی تعمیر کو منظوری

مرکزی حکومت نے پردھان منتری آواس یوجنا (شہری) کے تحت 56 ہزار سے زائد مکانات کی تعمیر کو منظوری دی ہے۔ اس کے ساتھ ہی اس اسکیم کے تحت اب تک 43 لاکھ مکانات کی تعمیر مکمل ہوچکی ہے اور 73 لاکھ زیرتعمیر ہیں۔

رہائش اور شہری امور کی وزارت نے بتایا کہ وزارت میں سیکریٹری درگاشنکر مشر کی قیادت میں کل دیر شام مرکزی منظوری اور نگرانی کمیٹی کی 53 ویں میٹنگ منعقد کی گئی، جس میں 11 ریاستوں اور مرکز کے زیرانتظام ریاستوں میں 56 ہزار 368 مکانات کی تعمیر کو منظوری دی گئی۔

میٹنگ میں مسٹر مشر نے اسکیم کے نفاذ پر زور دیتے ہوئے کہا کہ 'تمام ریاستوں اور مرکز کے زیرانتطام ریاستوں کو یقینی بنانا چاہئے کہ تمام مستحق لوگوں کو اسکیم کا فائدہ ملے۔'

انہوں نے اسکیم کے پورے عمل کو آن لائن بنانے پر زور دیا اور کہا کہ مکانات کی تعمیر میں جدید تکنالوجی استعمال کی جانی چاہئے۔

یو این آئی