سرکاری ذرائع نے اتوار کو بتایا کہ پردھان منتری کسان سمان ندھی یوجنا کے تحت تقریباً 18 لاکھ کسانوں کو 32،500 کروڑ روپے دیے گئے ہیں۔ اس میں وہ کسان بھی شامل ہیں، جنہیں ایک مرتبہ سے لے کر آٹھ مرتبہ فنڈ دیا گیا ہے۔
اسی طرح دو کروڑ سے زیادہ کسان پردھان منتری فصل بیمہ یوجنا سے وابستہ ہیں اور اس اسکیم کے تحت 25 لاکھ 60 ہزار سے زائد کسانوں کو 2،208 کروڑ روپے کا معاوضہ دیا گیا ہے۔
انہوں نے بتایا کہ موجودہ یوگی حکومت نے گزشتہ حکومتوں کے مقابلے میں ساڑھے چار سالوں میں کسانوں کو کئی گنا رقم دی ہے۔ ریاست میں پہلی بار 433.86 لاکھ میٹرک ٹن سے زیادہ اناج خریدا گیا ہے اور 78،23،357 کسانوں کو 78،000 کروڑ روپے سے زیادہ کی رقم ادائیگی کی گئی ہے۔
مزید پڑھیں:وزیر اعظم پیر کو کسان سمان ندھی کی اگلی قسط جاری کریں گے
کسانوں کو 3 لاکھ 92 ہزار کروڑ روپے کا فصل قرضہ ادا کیا گیا ہے اور 36 ہزار کروڑ روپے سے 86 لاکھ کسانوں کا قرض معاف کیا گیا ہے۔
یو این آئی
