ملک بھر کے 11 کروڑ سے زیادہ کسانوں کو نئے سال کے موقع پر بطور تحفہ وزیراعظم نریندر مودی یکم جنوری کو وزیراعظم کسان سمان نِدھی یوجنا کی اگلی قسط جاری کریں گے۔
اس منصوبے کے تحت مستفدین کسانوں کے ہر سال چھ ہزار روپے کا مالی فائدہ دیا جاتا ہے جو کہ دو ہزار روپے کی تین یکساں قسطوں میں ملے گا۔
پی ایم کسان یوجنا کے تحت 11 کروڑ سے زیادہ کسانوں کو مختلف قسطوں کے ذریعہ سے تقریباً 1.60 لاکھ کروڑ روپے کی مالی مدد بھی دی جاچکی ہے۔
اس دوران وزیراعظم مودی کسانوں کی آمدنی دُگنی کرنے کےسلسلے میں فارمر پروڈکشن آرگنائزیشن (ایف پی او) کو ایکویٹی گرانٹ بھی جاری کریں گے۔
واضح رہے کہ مرکز نے 6 ہزار 865 کروڑ روپے کے کل بجٹ کے اخراجات کے ساتھ 2027-28 تک دس ہزار نئے ایف پی او بنانے اور فروغ دینے کے لیے دس ہزار فارمر پروڈکشن آرگنائزیشنز (ایف پی او) کی تشکیل اور فروغ کی مرکزی شعبہ کی یوجنا کو منظوری دی اور لانچ کیا۔
نریندر مودی یکم جنوری کو دوپہر 12 بجے اس یوجنا کے تحت قسط جاری کریں گے اور فارمر پروڈکشن آرگنائزیشن کو ایکویٹی گرانٹ بھی جاری کی جائے گی۔
وزیر زراعت نریندر سنگھ تومر نے کسانوں سے وزیراعظم کے اس پروگرام میں شامل ہونے کی اپیل کی ہے۔
