Ujjain’s Mahakal Corridor پی ایم مودی آج مہاکال کوریڈور پروجیکٹ کے پہلے مرحلے کا افتتاح کریں گے

ریاستی حکومت منگل کی شام منعقد ہونے والے عظیم الشان پروگرام کے لئے وسیع تیاریاں کر رہی ہے۔ وزیر اعظم مودی ریاستی دارالحکومت بھوپال سے تقریباً 200 کلومیٹر دور اجین میں 856 کروڑ روپے کے مہاکالیشور مندر کوریڈور ڈیولپمنٹ پروجیکٹ کے پہلے مرحلے کا افتتاح کریں گے۔ mahakal corridor project inauguration

اجین: وزیر اعظم نریندر مودی منگل کو مدھیہ پردیش کے اجین شہر میں مہاکال کوریڈور کے پہلے مرحلے کا افتتاح کریں گے۔ ریاست کے وزیر داخلہ نروتم مشرا نے پیر کو یہ جانکاری دی۔ سرکاری ذرائع نے بتایا کہ وزیر اعظم کو لانے والا بھارتی فضائیہ کا طیارہ منگل کی سہ پہر 3.35 بجے احمد آباد ہوائی اڈے سے روانہ ہوگا اور شام 4.30 بجے اندور ہوائی اڈے پر پہنچے گا۔ انہوں نے بتایا کہ اندور سے وزیر اعظم شام 5 بجے ہیلی کاپٹر سے اجین کے ہیلی پیڈ پہنچیں گے۔PM Modi inaugurate the first phase of the Mahakal Corridor project today.

مودی شام 5.25 بجے مہاکالیشور مندر پہنچیں گے اور شام 6.25 سے 7.05 بجے کے درمیان مہاکال کوریڈور کو قوم کے نام وقف کریں گے۔ اس سے پہلے وہ مہاکال مندر میں پوجا کریں گے۔ ایک عہدیدار نے بتایا کہ اس کے بعد مودی کارتک میلہ گراؤنڈ میں ایک عوامی تقریب میں حصہ لیں گے۔ انہوں نے بتایا کہ 900 میٹر سے زیادہ طویل مہاکل کوریڈور پرانی رودر ساگر جھیل کے ارد گرد پھیلا ہوا ہے۔ رودر ساگر جھیل کو اجین میں دنیا کے مشہور مہاکالیشور مندر کے ارد گرد کے علاقے کو دوبارہ تیار کرنے کے منصوبے کے ایک حصے کے طور پر بحال کیا گیا ہے۔

انہوں نے بتایا کہ ملک کے 12 جیوترلنگوں میں سے ایک یہاں مہکالیشور مندر میں قائم ہے اور ملک بھر سے بڑی تعداد میں عقیدت مند یہاں آتے ہیں۔ انہوں نے کہا کہ کوریڈور کے لیے دو عظیم الشان داخلی دروازے - نندی گیٹ اور پنکی گیٹ بنائے گئے ہیں۔ یہ کوریڈور مندر کے داخلی دروازے کی طرف جاتا ہے اور راستے میں خوبصورت نظارے پیش کرتا ہے۔ انہوں نے بتایا کہ مہاکال مندر کے نئے تعمیر شدہ کوریڈور میں 108 ستون بنائے گئے ہیں اور 910 میٹر کا یہ پورا مہاکال مندر ان ستونوں پر قائم ہوگا۔

انہوں نے مزید بتایا کہ ریاستی حکومت منگل کی شام منعقد ہونے والے عظیم الشان پروگرام کے لئے وسیع تیاریاں کر رہی ہے۔ وزیر اعظم مودی ریاستی دارالحکومت بھوپال سے تقریباً 200 کلومیٹر دور اجین میں 856 کروڑ روپے کے مہاکالیشور مندر کوریڈور ڈیولپمنٹ پروجیکٹ کے پہلے مرحلے کا افتتاح کریں گے۔ پہلے مرحلے میں مہاکال کوریڈور کو 316 کروڑ روپے میں تیار کیا گیا ہے۔ اس موقع پر مدھیہ پردیش بی جے پی کے صدر وشنو دت شرما، ریاستی وزراء بھوپیندر سنگھ اور موہن یادو اور دیگر سینئر عہدیدار موجود رہیں گے۔ عہدیدار نے بتایا کہ مودی رات تقریباً 8 بجے اجین سے اندور کے لئے روانہ ہوں گے۔ اور وہاں سے رات نو بجے کے قریب دہلی کے لیے روانہ ہوں گے۔