اجمیر درگاہ کے گیٹ کو کشادہ کرنے کا منصوبہ

درگاہ کمیٹی کے نائب صدر منور خان کے مطابق آئندہ خواجہ صاحب کے سالانہ عرس سے قبل خواتین کوریڈور، عبادت خانہ اور سبیلی گیٹ کا کام مکمل کرنے کا ہدف ہے۔

مشہور حضرت خواجہ غریب نواز درگاہ کمیٹی آئندہ سالانہ عرس سے قبل درگاہ کے سبیلی گیٹ کو کشادہ کرکے نئے انداز میں خوبصورت بنانے جا رہی ہے۔

اس گیٹ کو کشادہ کرنے کے بعد زائرین کو آمدورفت میں سہولت ہوگی۔

اسی طرح خواتین زائرین کے لئے عبادت خانہ کا کام بھی جلد مکمل کر لیا جائے گا۔

اس سلسلے میں درگاہ گیسٹ ہاؤس کمیٹی کی میٹنگ منعقد کی گئی تھی۔

نائب صدر منور خان کی صدارت میں درگاہ ناظم اشفاق حسین سمیت پانچ ممبران موجود رہے۔

میٹنگ کا خاص مقصد درگاہ ترقیاتی نامکمل کاموں میں تیزی لانا اور زائرین کی بڑھتی تعداد کو دیکھتے ہوئے درگاہ کے سبیلی گیٹ کو کشادہ کرنا ہے۔

نائب صدر منور خان کے مطابق آئندہ خواجہ صاحب کے سالانہ عرس سے قبل خواتین کوریڈور عبادت خانہ اور سبیلی گیٹ کا کام مکمل کرنا ہے۔

واضح رہے کہ کووڈ 19 وبا کے سبب درگاہ ترقیاتی کاموں میں دشواری پیدا ہوئی تھی۔

میٹنگ میں طے کیا گیا کی ضلع انتظامیہ اور متعلقہ محکموں سے رابطہ کر جلد ہی نامکمل کاموں کو عملی جامہ پہنایا جائے گا۔

درگاہ کمیٹی ممبر جاوید پارک کے مطابق خواجہ صاحب کے آئندہ عرس سے قبل نامکمل کاموں کو مکمل کر لیا جائے گا۔

میٹنگ میں ممبر صفات خان، سید بابر اشرف، فاروق اعظم اور درگاہ ناظم اشفاق حسین موجود رہے