پٹرول اور ڈیزل کی قیمتوں میں جاریہ ماہ 13ویں مرتبہ ایک بار پھر اضافہ

ملک کے چار بڑے میٹرو شہروں میں پٹرول ڈیزل کی قیمتوں میں منگل کے روز ایک بار پھر اضافہ کیا گیا، آج پٹرول کی قیمت میں 23 پیسے اور ڈیزل کی قیمت میں 27 پیسے کا اضافہ کیا گیا، جو ایک نئی تاریخی سطح تک پہنچ گیا۔ جس کی وجہ سے ممبئی میں پٹرول 99.71 روپے فی لیٹر پہنچ گیا۔

بھارت میں گزشتہ 04 مئی سے اب تک، پٹرول اور ڈیزل کی قیمتوں میں 13 دن اضافہ کیا گیا ہے، جب کہ ان کی قیمتوں میں نو دن کوئی تبدیلی نہیں کی گئی ہے۔ اس دوران دہلی میں پٹرول 3.04 روپے اور ڈیزل 3.59 روپے مہنگا ہوگیا ہے۔

پٹرول اور ڈیزل کی قیمتوں میں جاریہ ماہ 13ویں دن ایک بار پھر اضافہ

معروف آئل مارکیٹنگ کمپنی انڈین آئل کارپوریشن کی ویب سائٹ کے مطابق ممبئی میں آج پٹرول کی قیمت 23 پیسے اضافے کے ساتھ 99.71 روپے فی لیٹر ہوگئی۔ ملک کے کچھ شہروں میں یہ پہلے ہی 100 روپے فی لیٹر عبور کرچکی ہے۔ قومی دارالحکومت دہلی میں پٹرول 23 پیسے مہنگا ہوکر 93.44 روپے فی لیٹر اور ڈیزل 25 پیسے بڑھ کر 84.32 روپے فی لیٹر پہنچ گیا۔

چنئی میں پٹرول کی قیمت 20 پیسے اور کولکاتہ میں 22 پیسے اضافے کے ساتھ بالترتیب 95.06 اور 93.49 روپے فی لیٹر ہوگئی۔ ممبئی میں ڈیزل کی قیمت میں 27 پیسے، چنئی میں 24 پیسے اور کولکتہ میں 25 پیسے کا اضافہ ہوا ہے۔ ممبئی میں ایک لیٹر ڈیزل کی قیمت 91.57 روپے، چنئی میں 89.11 روپے جب کہ کولکتہ میں 87.16 روپے پہنچ گئی۔

واضح رہے کہ پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنا پر ہر روز صبح چھ بجے سے نئی قیمتوں کا اطلاق ہوتا ہے۔

• ملک کے چار میٹرو شہروں میں آج پٹرول اور ڈیزل کی قیمتیں حسب ذیل رہیں:۔

شہر کا نام ۔۔۔۔۔۔۔۔۔۔۔۔۔۔۔۔۔۔۔۔۔۔ پیٹرول ۔۔۔۔۔۔۔۔۔۔۔۔۔۔۔۔۔۔ ڈیزل

دہلی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 93.44 ۔۔۔۔۔۔۔۔۔۔۔۔۔۔۔ 84.32

ممبئی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 99.71 ۔۔۔۔۔۔۔۔۔۔۔۔۔۔۔ 91.57

چنئی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 95.06 ۔۔۔۔۔۔۔۔۔۔۔۔۔۔۔۔ 89.11

کولکتہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 93.49 ۔۔۔۔۔۔۔۔۔۔۔۔۔۔۔ 87.16

یو این آئی