رتن گڑھ: راجستھان کے رتن گڑھ میں پولیس پبلک لیگ میچ کے دوران پاکستان زندہ باد کے نعرے لگانے کا ویڈیو وائرل ہو رہا ہے۔ دراصل شوٹنگ والی بال کا میچ کھیلا جا رہا تھا۔ یہ میچ ہفتہ کو کھیلا گیا تھا اور اس دوران پولیس افسر کے ساتھ مقامی ایم ایل اے بھی موجود تھے۔ سوشل میڈیا پر وائرل ہونے کے بعد متعلقہ پولیس افسر نے اپنی وضاحت میں اس پورے واقعے کی تردید کی ہے۔ Pakistan zindabad slogan in police station
وائرل ویڈیو مبینہ طور پر رتن گڑھ تھانے کے احاطے کا بتایا جا رہا ہے۔ اس میں رتن گڑھ تھانے کے پولیس اہلکار بشمول اسٹیشن آفیسر اشوک وشنوئی بھی نظر آرہے ہیں۔ اسٹیشن انچارج اشوک وشنوئی سے جب اس ویڈیو کے بارے میں پوچھا گیا تو انہوں نے بتایا کہ وائرل ویڈیو میں جو آڈیو ہے وہ واضح نہیں ہے اور انہیں اس بارے میں کوئی معلومات نہیں ہے۔
یہ بھی پڑھیں: Video Of Pro-Pakistan Slogans: کٹنی میں مبینہ طور پر ’پاکستان زندہ باد‘ کے نعرے لگانے کا ویڈیو وائرل
بتایا جا رہا ہے کہ ویڈیو میں نعرے رتن گڑھ تھانے کی ٹیم کی جیت پر لگائے گئے تھے۔ ہفتہ کے میچ میں رتن گڑھ کی ٹیم نے بھانی پورہ کی ٹیم کو شکست دے کر 2-0 سے کامیابی حاصل کی۔ اس پروگرام میں مقامی ایم ایل اے ابھینیش مہارشی، تحصیلدار بجرنگ لال اور تھانہ انچارج اشوک بشنوئی بھی موجود تھے۔ یہ ویڈیو پروگرام کے اختتام کے بعد کی بتائی جا رہی ہے۔ Pakistan Zindabad Slogan in Ratangarh
ای ٹی وی بھارت اس سات سیکنڈ کے ویڈیو کی تصدیق نہیں کرتا ہے۔
