نئی دہلی: پاکستان نے افغانستان کو خط لکھا ہے۔ اس خط میں پاکستان نے لکھا ہے کہ عسکری تنظیم جیش محمد کا سرغنہ مسعود اظہر افغانستان میں چھپا ہوا ہے، اسے گرفتار کیا جائے۔ پاکستان نے کہا ہے کہ مسعود اظہر کے ننگرہار اور کُنار کے علاقوں میں چھپنے کا امکان ہے۔ اس لیے اسے ڈھونڈ کر گرفتار کیا جائے اور اطلاع دی جائے۔ پاکستان کے انٹیلی جنس ڈیپارٹمنٹ نے مسعود اظہر کے ممکنہ ٹھکانوں کے بارے میں بھی معلومات شیئر کی ہیں۔Pakistan writes to Afghanistan seeking arrest of JeM chief Masood Azhar
پاکستان کے اس خط پر افغانستان نے ردعمل ظاہر کیا ہے۔ انہوں نے پاکستان کی جانب سے ایسے کسی خط کی تردید کی ہے۔ طالبان حکومت کے سینئر رہنما اور اقوام متحدہ میں مستقل نمائندے سہیل شاہین نے کہا ہے کہ ہمیں مسعود اظہر کی افغانستان میں موجودگی کی کوئی اطلاع نہیں ہے۔ ہم اپنے ملک میں ایسے کسی بھی شخص کی حمایت نہیں کرتے جو ہمارے ملک میں رہ کر کسی دوسرے ملک کے لئے سازش کر رہا ہو۔
مزید پڑھیں:۔ پاکستان میں مسعود اظہر اور حافظ سعید کے خلاف سخت کاروائیاں
آپ کو بتاتے چلیں کہ ایس سی او کا اجلاس 15-16 ستمبر کو ازبکستان کے دارالحکومت سمرقند میں ہونے جا رہا ہے۔ اس ملاقات میں بھارت عسکریت پسندی کے خلاف کارروائی کا معاملہ اٹھا سکتا ہے۔ بھارت نے ہمیشہ پاکستان کو مسعود اظہر کی عسکریت پسندآنہ کارروائیوں کے بارے میں خبردار کیا ہے۔
