نئی دہلی: دہلی میں انٹرپول کی جاری 90ویں جنرل اسمبلی کے موقع پر ایک دلچسپ صورتحال اس وقت پیدا ہوئی، جب پاکستان کی وفاقی تحقیقاتی ایجنسی (ایف آئی اے) کے ڈائریکٹر جنرل محسن بٹ سے استفسار کیا گیا کہ کیا پاکستان نے داؤد ابراہیم اور حافظ سعید کو بھارت کے حوالے کرنے کا منصوبہ بنایا ہے۔ پاکستان کی وفاقی تحقیقاتی ایجنسی کے سربراہ محسن بٹ کو اس بارے میں خاموشی اختیار کرتے ہوئے دیکھا گیا۔یہ دونوں افراد بھارت کی سکیورٹی ایجنسیوں کو انتہائی مطلوب ہیں۔
-
#WATCH | Pakistan's director-general of the Federal Investigation Agency (FIA) Mohsin Butt, attending the Interpol conference in Delhi, refuses to answer when asked if they will handover underworld don Dawood Ibrahim & Lashkar-e-Taiba chief Hafiz Saeed to India. pic.twitter.com/GRKQWvPNA1
— ANI (@ANI) October 18, 2022 " class="align-text-top noRightClick twitterSection" data="
">#WATCH | Pakistan's director-general of the Federal Investigation Agency (FIA) Mohsin Butt, attending the Interpol conference in Delhi, refuses to answer when asked if they will handover underworld don Dawood Ibrahim & Lashkar-e-Taiba chief Hafiz Saeed to India. pic.twitter.com/GRKQWvPNA1
— ANI (@ANI) October 18, 2022#WATCH | Pakistan's director-general of the Federal Investigation Agency (FIA) Mohsin Butt, attending the Interpol conference in Delhi, refuses to answer when asked if they will handover underworld don Dawood Ibrahim & Lashkar-e-Taiba chief Hafiz Saeed to India. pic.twitter.com/GRKQWvPNA1
— ANI (@ANI) October 18, 2022
قابل ذکر ہے کہ دہلی میں جاری انٹرپول جنرل اسمبلی میں پاکستان کی جانب سے وفاقی تحقیقاتی ایجنسی کے ڈائریکٹر جنرل محسن بٹ دو رکنی وفد کا حصہ ہیں۔ پاکستانی وفد کی شرکت اسلام آباد اور نئی دہلی کے درمیان سرحد پار دہشت گردی پر کشیدگی اور حال ہی میں ختم ہونے والی اقوام متحدہ کی جنرل اسمبلی سمیت متعدد عالمی فورمز میں کشمیر کو بین الاقوامی مسئلہ بنانے کی پاکستان کی کوششوں کے باوجود آئی ہے۔
اس سے پہلے آج وزیر اعظم نریندر مودی نے انٹرپول کی اسمبلی سے خطاب کیا۔ چار روزہ کانفرنس کا اختتام 21 اکتوبر کو ہوگا اور اس میں 195 انٹرپول کے رکن ممالک کے وزراء، ممالک کے پولیس سربراہان، قومی مرکزی بیورو کے سربراہان اور سینئر پولیس افسران پر مشتمل وفود شرکت کر رہے ہیں۔ انٹرپول جنرل اسمبلی کا اجلاس تقریباً 25 سال کے وقفے کے بعد بھارت میں ہو رہا ہے، یہ آخری بار 1997 میں منعقد ہوا تھا۔
