کانگریس کی جنرل سکریٹری پرینکا گاندھی وڈرا نے کورونا کی دوسری لہر میں آکسیجن کی قلت کی وجہ سے لوگوں کے مرنے کی مرکزی حکومت کی اس دلیل کو غلط قرار دیتے ہوئے کہا کہ موت کی وجہ آکسیجن کی قلت نہیں ہے بلکہ حکومت کی غلط پالیسی رہی ہے۔ کورونا کی وجہ سے ہوئی اموات کے سلسلے میں مرکزی حکومت کے جواب پر کانگریس کی جنرل سکریٹری نے طنز کرتے ہوئے کہا کہ 'اموات اس لیے ہوئیں، کیوں کہ وبا والے سال میں سرکار نے آکسیجن کی برآمدات میں 700 فیصد اضافہ کیا اور حکومت نے آکسیجن ٹرانسپورٹ کرنے والے ٹینکروں کا انتظام نہیں کیا۔'
یہ بھی پڑھیں: راجستھان سمیت تین ریاستوں میں زلزلے کے جھٹکے
انہوں نے مزید کہا کہ 'بااختیار گروپ اور پارلیمانی کمیٹی کے مشورے پر آکسیجن دستیاب کرنے کا کوئی انتظام نہیں کیا گیا۔ اسپتالوں میں آکسیجن پلانٹس کی تنصیب میں کوئی سرگرمی نہیں دکھائی گئی۔
(یو این آئی)
