بھوپال: اللہ کا پیغام اللہ والوں تک پہنچانے کی نیت کے ساتھ کیا جانے والا عالمی تبلیغی اجتماع اپنے 75 سال کے سفر میں کچھ بدلاؤ کے ساتھ نظر آئے گا۔ 18 نومبر سے شروع ہونے والے اس عالمی تبلیغی اجتماع میں کئی نئی چیزیں جوڑی جا رہی ہے، تو وہیں کچھ پرانے دستور میں تبدیلی بھی کی جا رہی ہے۔ چار روزہ اس اجتماع کے لیے اینٹ کھڑی میں تیاریوں کا دور تیز ہو چکا ہے۔
کورونا وبا کی وجہ سے دو سال اس پروگرام کو منعقد کیا جا رہا ہے لیکن اس بار یہاں کی رنگت کچھ بدلی نظر آئے گی۔ تقریبا 30 لاکھ اسکوائر فٹ علاقے میں تیار کیے جا رہے اس اجتماع گاہ کو گرین اینڈ کلین زون کی طرز پر تیار کیا جا رہا ہے۔ پلاسٹک اور پولیتھین کے استعمال پر پوری طرح پابندی کے ساتھ یہاں صاف صفائی کا خاص دھیان رکھا جائے گا۔
پورے اجتماع میں موجود والینٹیر جماعتیوں کو اس بارے میں تاکید بھی کرتے رہیں گے۔ ساتھ ہی جگہ جگہ اس کی معلومات دینے والے بینر پوسٹر بھی لگائے جائیں گے۔ وہیں اس بار اجتماع گاہ پر لگنے والے فوڈ زون میں بھی بڑے بدلاؤ دیکھنے کو مل رہے ہیں۔ عام طور پر پایا، قیمہ، چکن یا کباب جیسے کھانوں سے سجنے والے اجتماع گاہ کے فوڈ زون اس بار پوری طرح سے ویجیٹیرین نظر آئیں گے۔ یہ فیصلہ ریاست میں چل رہی جانوروں میں لمپی بیماری کے سبب لیا گیا ہے۔
یہ بھی پڑھیں: Tablighi Jamaat Markaz Case: نظام الدین مرکز کو مکمل طور پر کیوں نہیں کھولا جا سکتا؟
واضح رہے کہ اجتماع گاہ میں 24 فوڈ زون تیار کیے جا رہے ہیں۔ جس میں صرف ویجیٹیرین کھانا ہی دیا جائے گا۔ بھوپال عالمی تبلیغی اجتماع کی تیاریاں تقریبا مکمل ہوچکی ہے۔ سرکاری محکموں کی جانب سے ملنے والی سہولیات بھی مکمل ہوچکی ہے، جو تھوڑے کام بچے ہیں اسے والنٹیر پورا کرنے میں مصروف ہیں۔
