Petrol Diesel Update پٹرول اور ڈیزل کی قیمتوں میں کوئی تبدیلی نہیں

بھارت میں تقریباً ایک سال سے پٹرول اور ڈیزل کی قیمتوں میں کوئی تبدیلی نہیں ہوئی ہے۔ دہلی میں آج بھی پٹرول کی قیمت 96.72 روپے اور ڈیزل کی قیمت 89.62 روپے فی لیٹر پر مستحکم رہا۔ petrol and diesel prices in India

نئی دہلی: عالمی سطح پر خام تیل کی قیمتوں میں اتار چڑھاؤ کے درمیان آج بھی گھریلو سطح پر پٹرول اور ڈیزل کی قیمتیں برقرار رہیں، جس سے دہلی میں پٹرول 96.72 روپے فی لیٹر اور ڈیزل 89.62 روپے فی لیٹر پر مستحکم رہا۔ تیل کی بڑی مارکیٹنگ کمپنی ہندوستان پیٹرولیم کارپوریشن کی ویب سائٹ پر آج جاری کردہ نرخوں کے مطابق ملک میں پٹرول اور ڈیزل کی قیمتوں میں آج کوئی تبدیلی نہیں ہوئی ہے۔ دہلی میں ان کی قیمتیں مستحکم رہنے کے ساتھ ہی ممبئی میں پٹرول 106.31 روپے فی لیٹر اور ڈیزل 94.27 روپے فی لیٹر رہا۔

عالمی سطح پر، امریکی کروڈ ہفتے کے آخر میں 2.94 فیصد گر کر 66.34 ڈالر فی بیرل پر آگیا۔ وہیں لندن برینٹ کروڈ تیزی کے ساتھ 72.97 ڈالر فی بیرل پر پہنچ گیا۔ نوئیڈا میں پٹرول 97.00 روپے اور ڈیزل 90.14 روپے فی لیٹر، گروگرام میں پٹرول 97.18 روپے اور ڈیزل 90.05 روپے فی لیٹر، چندی گڑھ میں پٹرول 96.20 روپے اور ڈیزل 84.26 روپے فی لیٹر، حیدرآباد میں پٹرول 109.66 روپے اور ڈیزل 97.82 روپے فی لیٹر ہے۔ سرکاری آئل مارکیٹنگ کمپنیوں نے آخری بار 6 اپریل 2022 کو پٹرول اور ڈیزل کی قیمتوں میں اضافہ کیا تھا۔ اس دن دونوں ایندھن 80-80 پیسے مہنگے ہو گئے تھے۔ اس کے بعد 27 مئی 2022 کو مرکزی حکومت نے پیٹرول اور ڈیزل پر ایکسائز ڈیوٹی میں کمی کردی تھی۔ اس کے بعد پٹرول کی قیمت میں 8.69 روپے اور ڈیزل کی قیمت میں 7.35 روپے کی کمی ہوئی۔

یو این آئی