NC On Missing Of Kashmiri Student علی گڑھ میں کشمیری طالب علم کی پُراسرار گمشدی پر نیشنل کانفرنس کا اظہارِ تشویش

نیشنل کانفرنس نے بہوری پورہ سوپور سے تعلق رکھنے والے طالب علم کے علی گڑھ میں پُراسرار طور پر لاپتہ ہونے پر گہری تشویش کا اظہار کیاہے اور ایل جی انتظامیہ کے علاوہ علی گڑھ پولیس سے بھی اپیل کی ہے کہ مذکورہ طالب علم کی بازیابی کو یقینی بنانے کے لئے جنگی بنیادوں پر اقدامات اٹھائے جائیں۔ National Conference On Kashmiri Student Missing

سری نگر: نیشنل کانفرنس نے بہوری پورہ سوپور سے تعلق رکھنے والے طالب علم کے علی گڑھ میں پُراسرار طور پر لاپتہ ہونے پر گہری تشویش کا اظہار کیاہے اور ایل جی انتظامیہ کے علاوہ علی گڑھ پولیس سے بھی اپیل کی ہے کہ مذکورہ طالب علم کی بازیابی کو یقینی بنانے کے لئے جنگی بنیادوں پر اقدامات اٹھائے جائیں۔ پارٹی کے ترجمانِ اعلیٰ تنویر صادق نے اس سلسلے میں علی گڑھ پولیس کے اعلیٰ حکام کیساتھ رابطہ کیا اور انہیں کمسن طالب علم مسرور عباس میر کی بازیابی کی اپیل کی۔NC On Missing Of Kashmiri Student

علی گڑھ پولیس کے ایس پی نے تنویر صادق کو یقین دہانی کرائی کہ پولیس طالب علم کی بازیابی کیلئے کوشاں ہے۔ انہوں نے ایس پی کا شکریہ اداکیا اور بازیابی کی کوششوں میں سرعت لانے کی اپیل کی کیونکہ مذکورہ طالب علم کے والدین زبردست پریشانیوں میں مبتلا ہیں ۔ ادھر پارٹی کے شمالی زون صدر جاوید احمد ڈار نے مسرور کے رشتہ داروں کیساتھ ٹیلی فون پر رابطہ کیا اور انہیں حوصلہ دیا اور کہا کہ نیشنل کانفرنس اس کی بازیابی کیلئے علی گڑھ کے حکام کے ساتھ رابطے میں ہیں۔

یو این آئی