جموں و کشمیر کے بانڈی پورہ کے شِلوت سوناواری میں قائم کشمیر طبیہ کالج ہسپتال و ریسرچ سینٹر میں نشہ مُکت بھارت ابھیان کے تحت ایک پروگرام کا انعقاد کیا گیا۔ اس پروگرام میں متعلقہ کالج کے عملہ کے علاوہ طلبا و طالبات نے حصہ لیا۔ اس موقع پر سرینگر میونسپل کارپوریشن کے کمشنر اطہر عامر مہمان خصوصی کے طور پر موجود رہے۔ ان کے علاوہ منیجر ڈی آئی سی بانڈی پورہ معراج الدین وانی بھی موجود تھے۔ Nasha Mukt Abhiyan in Bandipora
اس دوران میڈیکل سپرنٹنڈنٹ کشمیر طبیہ کالج ڈاکٹر افتخار حسین غازی اور سی ای او کالج ایڈووکیٹ نظیر احمد کے علاوہ دیگر متعدد مقررین نے نشہ اور اس کے استعمال سے سماج میں بڑھتے منفی اثرات کے حوالے سے گفتگو کی۔ پروگران کے آخر میں تمام شرکاء نے عہد لیا کہ وہ اپنے اپنے متعلقہ مقامات پر منشیات مخالف کام کریں گے اور اپنے سماج کو نشے سے مکت بنانے میں اپنا کردار ادا کریں گے۔
