دارالعلوم دیوبند کی دنیا کوعالمی جنگ میں جھونکنے کی تیاری: نرسمہانند گری

سوامی نرسمہانند گری نے کہا کہ دارالعلوم دیوبند طالبان اور القاعدہ جیسے جہادی تنظیموں کی مادری تنظیم ہے، یہ تنظیم دنیا کی تباہی کے لئے بیج بورہی ہے، اس کی تازہ مثال دیوبند کے کیندکی گاؤں میں تعمیر ہورہے دارالعلوم مرکز سے ہے۔

ریاست اترپردیش کے ضلع مظفر نگر میں مہامنڈلیشور کے سوامی نرسمہانند گری نے پریس کانفرنس کے دوران مدرسہ دارالعلوم کی تعمیر سے متعلق اپنے اعتراض کا اظہار کیا۔

مہامنڈلیشور کے سوامی نرسمہانند گری نے مظفر نگر میں پریس کانفرنس کرکے دیوبند کے کیندکی گاؤں میں 25 ایکڑ میں تعمیر ہورہے دارالعلوم مدرسے کی تعمیر کو لے کر اپنا اعتراض ظاہر کیا اور کہا کہ دارالعلوم دیوبند پوری دنیا کو عالمی جنگ کی ہولناکی میں جھونکنے کی تیاری کررہا ہے۔

انہوں نے کہا کہ دارالعلوم دیوبند طالبان اور القاعدہ جیسے جہادی تنظیموں کی مادری تنظیم ہے، یہ تنظیم دنیا کی تباہی کے لئے بیج بورہی ہے، اس کی تازہ مثال دیوبند کے کیندکی گاؤں میں تعمیر ہورہے دارالعلوم مرکز سے ہے، اگر یہ سازش کامیاب ہوگئی تو پوری دنیا میں صرف تباہی ہوگی ہم کہنا چاہتے ہیں کہ پورا ہندو معاشرہ اس کی مخالفت کرے۔