کسان نے نئے زرعی قوانین کے خلاف دو ماہ سے زیادہ عرصے سے احتجاج کررہے ہیں، اسی ضمن میں کسانوں نے 18 فروری کو ریل روکو مہم کی کال دی ہے، تاہم بھارتیہ کسان یونین کے صدر نریش ٹکیٹ اس کے حق میں نہیں ہیں۔ جمعہ کے روز انہوں نے کہا کہ ایسا کام ہونا چاہئے جس سے عوام کو کم سے کم تکلیف ہو۔ بدھ کے روز 18 فروری کو متحدہ کسان محاذ نے ملک میں 4 گھنٹے ریل روکو مہم کا اعلان کیا ہے۔
مراد آباد کے بلاری میں منعقدہ کسان مہاپپنچایت میں حصہ لینے جارہے نریش ٹکیٹ نے سنبھل کے سنگھ پورسانی میں کسان رہنماؤں سے ملاقات کی۔ اس کے بعد انہوں نے صحافیوں سے بات چیت میں کہا کہ ہم بس ریل کو روکنے جیسے اقدامات کرنے کے حق میں نہیں ہیں۔ اس سلسلے میں کسان تنظیموں سے بات چیت جاری ہے۔ عوام کو کم سے کم تکلیف ہونی چاہیے، ہمیں عوام کی پریشانیوں کا خیال کرتے ہوئے کوئی بھی اقدام کرنا چاہیے۔
حالانکہ نریش ٹکیٹ مرکزی حکومت کے کسانوں کے ساتھ رویے سے ناراض نظر آئے۔ انہوں نے حکومت پر کسانوں کی توہین کرنے کا الزام لگایا۔ ٹکیٹ نے کہا کہ حکومت کو اپنے ذہن سے یہ وہم دور کرنا چاہیے کہ اس کا سکہ کسانوں کے سامنے چل سکے گا۔
