قومی دارالحکومت دہلی میں نائب صدر جمہوریہ ایم وینکئیا نائیڈو نے کانگریس کے سینیئر رہنما اور راجیہ سبھا رکن احمد پٹیل کے انتقال پر گہری تعزیت کا اظہار کرتے ہوئے انہیں بہترین شخص بتایا۔
وہیں دوسری جانب لوک سبھا سپیکر اوم برلا نے کہا کہ مسٹر احمد پٹیل کا انتقال تکلیف دہ ہے۔
مسٹر نائیڈو نے ایک پیغام میں کہا کہ وہ ایک اہل رکن پارلیمنٹ تھے اور مختلف سیاسی پارٹیز کے رہنما سے ان کے اچھے تعلقات تھے۔
انہوں نے کہا کہ 'راجیہ سبھا کے رکن احمد پٹیل جی کے انتقال کی خبر پاکر صدمے میں ہوں۔ سینیئر رکن پارلیمنٹ مسٹر پٹیل اپنے پارلیمانی تجربے، خوش اخلاقی اور اچھے تعلقات کے لیے جانے جاتے تھے۔ ایشور ان کی روح کو سکون دے اور سوگوار کنبے کو صبر دے'۔
وہیں مسٹر برلا نے اپنے تعزیتی پیغام میں کہا کہ 'سینیئر سیاست داں اور راجیہ سبھا رکن مسٹر احمد پٹیل کا انتقال تکلیف دہ ہے۔ وہ سبھی سے اچھے تعلقات رکھنے والے شخص تھے اور سبھی پارٹیز کے رہنماؤں سے خوش اسلوبی سے ملتے تھے'۔
انہوں نے کہا کہ 'ان کے انتقال سے ہونے والے نقصان کی تلافی ناممکن ہے۔ میری تعزیت سوگوار کنبے کے ساتھ ہے'۔
