ریاست کرناٹک کے ضلع یادگیر میں مسجد شاہ علی مرزا میں گزشتہ 31 سالوں سے ملت کے معصوم نونہالوں میں عشق رسول کے جذبے کو پروان چڑھانے کے غرض سے محفل نعت کا انعقاد عمل میں لایا جارہا ہے۔
انجینیئر مختار احمد نے بتایا کہ گزشتہ سالوں سے معصوم بچوں میں نعت خوانی کے جذبے کو پروان چڑھانے کے لئے ہر سال عید میلاد النبی صلی اللہ علیہ وسلم کے موقع پر نونہالوں کے لیے محفل نعت کا انعقاد عمل میں لایا جاتا ہے، جس میں بہترین نعت خواں کے طور پر پہلا، دوسرا اور تیسرا انعام کے طور پر بچوں کو ان کی حوصلہ افزائی کے لئے انعامات دیے جاتے ہیں۔
اس کے علاوہ وہ اس نعتیہ پروگرام میں شرکت کرنے والے تمام طلباء و طالبات کو بھی ترغیبی انعامات بھی نوازا جاتا ہے۔