مظفر نگر: آج 15 اگست کو پورے ملک میں آزادی کی 75ویں سالگرہ کا امرت مہوتسو منایا گیا۔ شہر کے تمام بڑے چوراہوں، اداروں، سرکاری اور غیر سرکاری عمارتوں پر ترنگے کو لہرایا گیا۔ وہیں مظفر نگر کے تمام مدارس میں بھی ترنگا لہرا کر آزادی کا جشن منایا گیا۔ مدارس کے طلباء نے کافی جوش و خروش کے ساتھ آزادی کے اس امرت مہوتسو میں بڑھ چڑھ کر حصہ لیا اور حب الوطنی کے جذبہ سے سرشار ہوکر آزادی کا جشن منایا۔ Independence Day Celebration In Madrasa
مزید پڑھیں:۔ Amrit Festival Preparations in Madrasas: جنگ آزادی میں مدارس کا کردار بہت اہم تھا، مولانا جمیل نظامی
اس موقع پر ایک طالب علم نے کہا کہ آج ہمارے ملک کی آزادی کے 75 سال مکمل ہو گئے ہیں، اس لیے ہم آزادی کا امرت مہوتسو منا رہے ہیں اور ہم بہت خوشی محسوس کر رہے ہیں۔ آج ہم نے ایک بائیک ریلی بھی نکالی ہے۔ وہیں ایک استاد نے بتایا کہ آج کا دن بھارت کے لیے بہت اہم ہے کیونکہ اس دن ہمارے ملک کو غلامی سے آزادی ملی اور ہم رواں سال آزادی کا امرت مہوتسو کے منا رہے ہیں۔ انہوں نے کہا کہ آج ہم نے مدرسہ میں زیر تعلیم طلباء کو ملک سے وفاداری اور بھارت میں گنگا جمنی تہذیب کو برقرار رکھنے کا حلف دلاکر ہندو مسلم بھائی چارے کو بڑھانے کا پیغام دیا ہے۔
