موہت کمبوج نے الزام لگایا ہے کہ اس طرح ایک ڈرگس مافیا کا ریاست کے وزیر داخلہ کے ساتھ سرکاری گیسٹ ہاؤس میں ملنا یہ واضح کرتا ہے کہ اس کے مراسم این سی پی کے کن کن لیڈران کے ساتھ تھے۔ ڈرگس مافیا سے وصولی کا معاملہ پھر ایک بار طول پکڑتا نظر آرہا ہے۔
ای ٹی وی بھارت نے اس سے پہلے یہ خبر شائع کی تھی۔ اس خبر کے بعد محکمہ پولیس میں کھلبلی مچ گئی۔ ممبئی کے ڈونگری علاقے سے جس چنکو پٹھان کو این سی بی نے منشیات کی فیکٹری کے ساتھ گرفتار کیا تھا، اس کے پاس سے نہ صرف منشیات ضبط کی گئی تھی بلکہ یہ بھی معلوم ہوا تھا کہ منشیات کے اس گورکھ دھندھے کو ممبئی میں پھلنے پھولنے کے لئے اس کے پاس سے پولیس افسران کو ایک سسٹم کے تحت رشوت دی جاتی تھی۔ اس رشوت کو باقائدہ ایک ڈائری میں نوٹ کیا جاتا تھا۔ یہ تصویر اسی ڈائری کی ہے، جو ای ٹی وی بھارت کے پاس موجود ہے۔
یہ بھی پڑھیں؛
Aryan Khan Case: بی جے پی لیڈر نے سنیل پاٹل کو ماسٹر مائنڈ بتایا
یہ ڈائری چنکو پٹھان کی گرفتاری کے بعد این سی بی نے ضبط کی تھی۔ نہ صرف یہ ڈائری بلکہ اس میں ممبئی کے ادنیٰ سے اعلی ان افسران کی تفصیلات موجود ہے جنکے ڈرگس مافیا سے تعلقات ہیں اور منشیات کے کاروبار کے لئے وہ افسران موٹی رقم وصولتے ہیں۔ اس فہرست میں ادنیٰ سے اعلی افسران کے نام درج ہیں۔
جانکاری میں یہ بات بھی سامنے آئی ہے کہ این سی بی نے اس ڈائری اور اس میں موجود تفصیلات کی جانکاری ممبئی پولیس کے اعلیٰ افسران کو دی تھی، لیکن محکمہ پولیس نے ان افسران کے خلاف کیا کاروائی کی، یہ راز اب تک راز ہی ہے۔
