اقلیتی امور کے مرکزی وزیر مختار عباس نقوی نے نے ای ٹی وی بھارت سے خصوصی بات چیت کے دوران بتایا کہ حج 2021 کی ساری تیاریاں مکمل کر لی گئی ہیں تاہم بھارت سے کتنے عازمین حج مقدس سفر پہ جائیں گے اس کا فیصلہ سعودی حکومت کی جانب سے کیا جائے گا۔
مختار عباس نقوی نے کہا کہ ان کی کوشش رہے گی کہ وہ تمام لوگ حج کے سفر پر جائیں جنھوں نے حج کے لیے درخواست دی ہے۔
اتر پردیش اسٹیٹ حج کمیٹی میں سال 2021 کے لئے حج بیت اللہ کے سفر پر جانے والوں کی تعداد میں نمایاں کمی دیکھنے کو مل رہی ہے۔
جب کہ اس سے پہلے تقریبا 32 ہزار عازمین حج مقدس سفر پر یہاں سے روانہ ہوئے تھے۔
رواں برس اترپردیش سے صرف 6347 لوگوں نے ہی فارم بھرا ہے۔
مختار عباس نقوی نے کہا کہ وبائی امراض کورونا وائرس نے سبھی لوگوں کی زندگی کو متاثر کیا ہے۔ کورونا کی وجہ سے گزشتہ برس حج نہیں ہو پایا تاہم رواں برس ان کی تیاری پوری ہو چکی ہے۔
مزید پڑھیں:حج 2021 کے لیے"حفاظت کے ساتھ عبادت" کا عزم
وزیر برائے اقلیتی امور مختار عباس نقوی نے کہا کہ سعودی حکومت کی جانب سے حج کے تعلق سےکیا ہدایات یا پروٹوکول ہوں گے، یہ ابھی واضح نہیں ہے۔
مختار عباس نقوی نے بتایا کہ ایئرلائنز کے ساتھ معاہدہ ہو گیا ہے، آن لائن فارم کی کاروائی ہو رہی ہے، اس کے علاوہ دوسرے انتظامات بھی کئے جا رہے ہیں۔
انھوں نے کہا کہ کووڈ-19 کے پروٹوکول کے مطابق ہدایت پر عمل کیا ہے۔
قابل ذکر ہے کہ یو پی حج کمیٹی نے خادم الحجاج اور میڈیکل اسٹاف کے لئے بھی درخواستیں طلب کی ہیں لہذا حج کمیٹی کی جانب سے تیاریاں مکمل کر لی گئی ہیں۔
