نئی دہلی: ملک بھر میں قومی کووڈ ویکسینیشن مہم کے تحت 207.47 کروڑ سے زیادہ کووڈ ویکسین لگائی گئی ہیں۔ صحت اور خاندانی بہبود کی مرکزی وزارت نے جمعہ کو یہاں بتایا کہ صبح سات بجے تک دو ارب سات کروڑ 47 لاکھ 19 ہزار 34 ویکسین لگائی جاچکی ہیں۔ وزارت نے کہا کہ گزشتہ 24 گھنٹوں میں کووڈ انفیکشن کے 16 ہزار 561 نئے مریض سامنے آئے ہیں۔ اس کے ساتھ ہی ملک میں کورونا کے مریضوں کی تعداد بڑھ کر ایک لاکھ 23 ہزار 535 ہو گئی ہے۔ یہ متاثرہ کیسز کا 0.28 فیصد ہے۔ یومیہ انفیکشن کی شرح 5.44 فیصد تک پہنچ گئی ہے۔ Total Covid Vaccination in India
یہ بھی پڑھیں: Corona in Maharashtra: مہاراشٹر میں کورونا کے 1877 نئے معاملے
وزارت نے کہا کہ اسی مدت میں 18 ہزار 53 لوگوں کو کووڈ سے نجات ملی ہے۔ اب تک کووڈ سے کل چار کروڑ 35 لاکھ 73 ہزار 94 مریض صحت یاب ہو چکے ہیں۔ ری کوری کی شرح 98.53 فیصد ہے۔ گزشتہ 24 گھنٹوں میں ملک میں تین لاکھ چار ہزار 189 کووڈ ٹیسٹ کیے گئے ہیں۔ ملک میں کل 87 کروڑ 85 لاکھ 37 ہزار 440 کووڈ ٹیسٹ کیے گئے ہیں۔
یو این آئی
