گجرات میں اس سال بھی محرم کے جلوس پرپابندی عائد

تعزیہ کمیٹی گجرات کے چیئرمین پرویز مومن نے فون پر بات چیت کرتے ہوئے کہا کہ محرم کے جلوس نکالنے کے تعلق سے گجرات پولیس محکمہ سے اجازت مانگی گئی تھی۔جس کے تحت آج جوائنٹ پولیس کمشنر کے ساتھ ہماری میٹنگ ہوئی۔ جس میں بتایا گیا کہ کورونا وائرس کے خطرے کے پیش نظر رواں برس بھی محرم کا جلوس نہیں نکالا جائے گا۔

محرم کا آغاز ہو چکا ہے اسی ماہ یوم عاشورہ پر امام حسین صاحب کی یاد میں محرم کا جلوس نکالا جاتا ہے۔لیکن کورونا وائرس کے سبب گزشتہ سال محرم کے جلوس پر پوری طرح پابندی عائد کی گئی تھی رواں برس بھی گجرات میں محرم کے جلوس نکالنے پر پابندی لگا دی گئی ہے۔

اس تعلق سے سینٹرل تعزیہ کمیٹی گجرات کے چیئرمین پرویز مومن نے فون پر بات چیت کرتے ہوئے کہا کہ محرم کے جلوس نکالنے کے تعلق سے گجرات پولیس محکمہ سے پرمیشن مانگی گئی تھی۔ جس کے تحت آج جوائنٹ پولیس کمشنر کے ساتھ ہماری میٹنگ ہوئی۔

جس میں ہمیں بتایا گیا کہ کورونا وائرس کے خطرے کے پیش نظر رواں برس بھی محرم کا جلوس نہیں نکالا جائے گا۔

حالانکہ اس موقع پر ہونے والے پروگرام کو اپنے گھروں امام بارگاہوں اور محلوں میں کورونا گائیڈ لائین کے مطابق کرنے کی اجازت دی گئی ہے۔ تعزیہ بھی رکھے جا سکتے ہیں لیکن تعزیہ جلوس کی شکل میں نہیں نکالیں جائیں گے۔

انہوں نے مزید کا کہ اس تعلق سے پریس کانفرنس کل صبح احمدآباد کے گائک وارڈ حویلی پولیس اسٹیشن میں رکھی جائے گی۔

اور تمام تفصیلات فراہم کی جائے گی۔