Rahul Gandhi On Increasing Chinese Incursions: 'چین کی بڑھتی دراندازی پر مودی کی خاموشی حیران کن'

کانگریس کے سابق صدر راہل گاندھی Rahul Gandhi On Increasing Chinese Incursions نے کہا ہے کہ چین بھارتی سرحد میں مسلسل دراندازی کر رہا ہے اور وہ سرحد پر سرگرمیاں بڑھا رہا ہے، لیکن وزیر اعظم نریندر مودی اس پر خاموش ہیں اور ان کی یہ خاموشی حیران کن ہے۔

کانگریس لیڈر راہل گاندھی نے منگل کو کہا کہ چین بھارتی سرحد کے قریب مسلسل سرگرمیاں بڑھا رہا ہے۔ اس نے پینگونگ لیک Pangong Lake پر گزشتہ دومہینے کے دوران پل کی تعمیر کی اور یہ تعمیراتی کام لائن آف ایکچوئل کنٹرول LAC کے بالکل قریب کیا ہے۔

انہوں نے کہا کہ چین جس طرح ہمارے لیے وارننگ بن رہا ہے، اس کا جواب دیا جانا چاہیے، لیکن حیران کن بات یہ ہے کہ ملکی سلامتی سے جڑے اس معاملے پر وزیراعظم حیران کن طور پر خاموش ہیں۔

راہل گاندھی کا ٹویٹ

راہل گاندھی نے کہا، 'وزیراعظم کی خاموشی غیر معمولی ہے۔ ہماری سرزمین، ہمارے لوگ، ہماری سرحدیں زیادہ تحفظ کی مستحق ہیں۔'
یو این آئی