وزیر اعظم نریندرمودی جمعرات کو صبح 11 بجے ویڈیو کانفرنسنگ کے ذریعے ویسٹرن ڈیڈیکیٹیڈ فریٹ کوریڈور کے 306 کلومیٹر لمبے ٹریک کو ملک کے نام وقف کریں گے۔ یہ کوریڈور نیو ریواڑی-نیوکشن گڑھ-مدار ریلوے سیکشن (اجمیر) تک آپریٹ ہوگی۔ اس موقع پر مسٹر مودی دنیا کی پہلی الیکٹرک روٹ پر ڈبل اسٹیک 1.5 کلومیٹر لمبی کنٹینر ٹرین کو بھی ہری جھنڈی دکھا کر افتتاح کریں گے۔
شمال۔مغرب ریلوے کی جانب سے نیو کشن گڑھ ریلوے اسٹیشن پر تقریب کا انعقاد کیا گیا ہے جہاں وزیراعظم ویڈیو کانفرنسنگ کے ذریعے کھڑی ٹرین کو ہری جھنڈی دکھا کر ٹریک اور کنٹینر ٹرین کو ملک کے نام وقف کریں گے۔ اس موقع پر گورنر کلراج مشر، وزیراعلیٰ اشوک گہلوت، وزیر ریل پیوش گویل، اجمیر سے رکن پارلیمنٹ بھاگیرتھ چودھری، راجسمند سے رکن پارلیمنٹ دیا کماری بھی جڑیں گے۔
قابل ذکر ہے کہ اس ٹریک کا کام 27 دسمبر 2019 کو شروع کیا گیا تھا جس کا اب افتتاح ہونے جا رہا ہے۔
یو این آئی
