Modi with Defense Officers: مودی نے دفاعی تیاریوں کا جائزہ لیا

یوکرین پر روس کے حملے کے بعد پیدا ہوئی صورتحال پر وزیر اعظم نریندر مودی نے دفاعی امور کے افسران کے ساتھ میٹنگ کر حفاظتی تیاریوں کا جائزہ لیا۔ PM Modi Meeting with Defense Officers۔

نئی دہلی: وزیر اعظم نریندر مودی نے مرکزی کابینہ کی سکیورٹی کے امور کی کمیٹی کی میٹنگ میں ملک کی حفاظتی تیاریوں کا جائزہ لینے کے ساتھ ساتھ یوکرین پر روس کے حملے سے پیدا ہونے والی صورتحال کے تناظر میں موجودہ عالمی منظر نامے پر بھی تبادلہ خیال کیا۔

Modi with Defense Officers

سرکاری ذرائع کے مطابق اتوار کے روز مودی کی صدارت میں مرکزی کابینہ کی دفاعی امور کی کمیٹی کی میٹنگ ہوئی۔ اس ملاقات میں وزیراعظم کو تازہ ترین پیش رفت اور سرحدی علاقوں، سمندری اور فضائی حدود میں ملکی سلامتی کی تیاریوں سے مطلع کیا گیا Prime Minister Narendra Modi held a meeting with Defense Affairs۔وزیر اعظم کو یوکرین سے متعلق تازہ ترین پیش رفت کے ساتھ ساتھ پھنسے ہوئے بھارتی شہریوں اور پڑوسی ممالک کے کچھ شہریوں کو بچانے کے لیے چلائے جانے والے آپریشن گنگا کے بارے میں بھی بتایا گیا۔ مودی نے ہدایت دی کہ نوین شیکھرپا کی لاش کو گھر لانے کی ہر ممکن کوشش کی جائے، جسے یوکرین کے شہر کھارکیو میں قتل کیا گیا تھا۔

وزیر دفاع راج ناتھ سنگھ، وزیر خارجہ ایس جے شنکر، وزیر خزانہ نرملا سیتا رمن، قومی سلامتی کے مشیر اجیت ڈوول، خارجہ سکریٹری ہرش شرنگلا اور دیگر سینئر حکام نے میٹنگ میں شرکت کی۔
(یو این آئی)