ریاست بہار کے شہر گیا میں واقع مرزا غالب کالج گیا نے انٹر کالج ٹیبل ٹینس ٹورنامنٹ 22-2023 کے لڑکوں کے زمرے میں گولڈ میڈل حاصل کیا ہے۔ گوتم بدھ کالج گیا کے زیر اہتمام کھیلے جانے والے اس ٹورنامنٹ میں مرزا غالب کالج کے کھلاڑیوں نے بھی اپنی موجودگی درج کروائی، جس میں انہوں نے گولڈ میڈل حاصل کیا جبکہ اسی کالج کی لڑکیاں رنر اپ رہیں۔ Inter College Table Tennis Tournament in Gaya
مرزا غالب کالج کے سیکرٹری شبیع عارفین شمسی، پرنسپل انچارج سرفراز خان، وائس پرنسپل ڈاکٹر شجاعت علی خان، ڈاکٹر ثروت شمسی، کنوینر ڈاکٹر سرفراز خان نے ٹورنامنٹ میں حصہ لینے والے طلبہ وطالبات کو مبارک باد پیش کی۔ ٹورنامنٹ میں وشال کمار، سوربھ کمار، انکت کمار، محمد تبریزعلی، امریتا کماری، نیہا کماری، سارہ وغیرہ نے حصہ لیا۔
اس موقع پر اسپورٹ انچارج ڈاکٹر ابو حذیفہ نے بتایا کہ یہ مقابلہ مگدھ یونیورسٹی کے تعاون سے منعقد کیا گیا تھا، جس میں منتخب کھلاڑیوں کو ایسٹ زون انٹر یونیورسٹی کے لیے بھیجا جائے گا۔ واضح رہے کہ مرزا غالب کالج نے کھیل کا شعبہ بھی قائم کیا۔ اس کے تحت کالج میں کرکٹ، فٹ بال، والی بال، ٹیبل ٹینس سمیت کئی کھیلوں کے لئے ٹیم بنایا گیا ہے۔ اس کی باضابطہ تربیت دی جاتی ہے۔ مرزاغالب کالج کی ٹیم بیرون ریاست کی یونیورسٹیز کے ماتحت ہونے والے ٹورنامنٹ میں بھی حصہ لینے پہنچتی ہے۔
