اس سال کورونا انفیکشن کے معاملوں میں کمی کو دیکھتے ہوئے ایک بار پھر سے 'جشن سر سید' کے پروگرام کا اہتمام کیا جارہا ہے۔ ایسوسی ایشن سے وابستہ افراد اس روز نہ صرف سر سید کو یاد کرکے انھیں خراج عقیدت پیش کرتے ہیں بلکہ سر سید کے مشن کو آگے بڑھانے کے لئے کوششیں انجام دینے کا سلسلہ آج بھی جاری رکھے ہوئے ہیں۔
میرٹھ میں اے ایم یو اولڈ بوائز ایسوسی ایشن کی جانب سے منعقدہ 'جشن یوم سر سید' کے موقع پر ایسوسی ایشن کے ممبر او پی اگروال اور سابق وزیر اتر پردیش ڈاکٹر معراج الدین نے علی گڑھ مسلم یونیورسٹی کی تعلیمی خدمات کا ذکر کرتے ہوئے بغیر کسی تفریق کے اس مشن کو آگے بڑھانے کی ضرورت پر زور دیا۔
اس موقع پر مہمانِ خصوصی کے طور پر شامل ہوئے علی گڑھ مسلم یونیورسٹی کے سابق وائس چانسلر ضمیر الدین شاہ نے کہا کہ کورونا کے سبب یونیورسٹی کو بہت نقصان اٹھانا پڑا ہے۔ ایسے میں کورونا کے پوری طرح ختم ہونے پر ہی یونیورسٹی کو کھولا جائے گا۔ حالانکہ اے ایم یو میں تعلیمی ماحول واپس لانے کے لیے آف لائن تعلیم شروع کرنے کی بے حد ضرورت ہے۔
- یہ بھی پڑھیں:قوم کے نام سر سید کے پانچ اہم اصول
اے ایم یو اولڈ بوائز ایسوسی ایشن کی جانب سے میرٹھ میں 'جشن یوم سر سید' کا اہتمام کیا جاتا ہے، اس موقع پر اولڈ بوائز ایسوسی ایشن سے وابستہ افراد سرسید کے مشن کو آگے بڑھانے کے لئے تعلیمی خدمات کے لئے تعاون بھی کرتے ہیں تاکہ سر سید کے تعلیمی مشن کو آگے بڑھایا جاسکے۔
