مغربی بنگال کے شمالی 24 پرگنہ کے بدھان نگر میں واقع سالٹ لیک اسٹیڈیم میں ڈورنڈ کپ 2021 کے کوارٹر فائنل کے پہلے میچ میں میزبان محمڈن اسپورٹنگ کا گوکھلم کیرالہ ایف سی سے مقابلہ ہوا. محمڈن اسپورٹنگ کا گوکھلم کیرالہ ایف سی نے کوارٹر فائنل میچ کے لئے مضبوط اور متوازن ٹیموں کو میدان میں اتارنے کا فیصلہ کیا۔
دونوں ٹیموں نے میچ کی شروعات میں ہی جارحانہ کھیل کا مظاہرہ کرکے اپنے اپنے ارادوں کو واضح طور پر ظاہر کر چکی تھیں.دونوں جانب سے دلچسپ اور سنسنی خیز مقابلہ دیکھنے کو ملا۔
کھیل کے 42 ویں منٹ پر غیر ملکی فٹبالر مارکوس جوزف نے گول کرکے محمڈن اسپورٹنگ کو ایک - صفر کی سبقت دلائی جو پہلے ہاف کے اختتام تک قائم رہی۔ دوسرے ہاف میں بھی دونوں ٹیموں کے درمیان جارحانہ اور اعصاب شکن مقابلہ دیکھنے کو ملا۔
گوکھلم کیرالہ ایف سی نے اسکور برابر کرنے کے لئے بھرپور کوشش کی لیکن میزبان ٹیم کے دفاعی کھلاڑیوں کے سامنے اس کی ایک نہ چلی. میزبان ٹیم محمڈن اسپورٹنگ نے بھی اپنی برتری میں مزید اضافہ کرنے کی کوشش کی مگر مہمان ٹیم نے عمدہ کھیل پیش کرتے ہوئے تمام حملوں کو ناکام بنادیا۔
ایف سی بنگلورو یونائٹیڈ اور آرمی ریڈ کے درمیان جمعہ کو کھیلے جانے والے ڈورنڈ کپ 2021 کے دوسرے کوارٹر فائنل میچ کو کورونا وائرس کے سبب رد کر دیا گیا ہے۔
ذرائع کے مطابق آرمی ریڈ کی ٹیم کے کھلاڑی کو کورونا مثبت پائے جانے کے بعد یہ فیصلہ لیا گیا ہے۔
آرمی ریڈ نے ٹورنامنٹ سے اپنا نام واپس لے لیا ہے جس کے سبب ایف سی بنگلورو یونائٹیڈ کی ٹیم کوارٹر فائنل کھیلے بغیر سیمی فائنل میں پہنچ گئی۔
