آگرہ: ریاست اترپردیش کے آگرہ سٹی اسٹیشن روڈ پر واقع دھرم شالہ میں جمعرات کو ایک خوفناک حادثہ پیش آیا۔ دھرم شالہ میں جاری کھدائی کے کام کی وجہ سے اچانک چھ مکانات منہدم ہو گئے۔ اس حادثے میں ایک بچی کی موت ہو گئی جبکہ دیگر دو لوگوں کو ہسپتال میں داخل کرایا گیا ہے۔ آگرہ کے اے ڈی ایم سٹی انجنی کمار نے بتایا کہ ایک چار سالہ بچی رشالی کی لاش نکال لی گئی ہے۔ متاثرہ مکیش شرما نے بتایا کہ ان کا ایک بیٹا اور اس کی دو بیٹیاں ملبے میں دب گئے تھے۔ بیٹے وویک اور ویویک کی بیٹی ویدیہی کو ملبے سے نکال لیا گیا ہے۔
دوسری طرف آگرہ کے اے ڈی ایم سٹی انجنی کمار نے بتایا کہ سٹی ریلوے اسٹیشن کے قریب تیلم مائی محلے کے بیسمنٹ میں کھدائی کا کام جار ی تھا، جس کی وجہ سے چھ مکانوں کے پچھلے حصے گر گئے۔ ایک مکان میں ایک شخص اور اس کی دو بیٹیاں ملبے تلے دب گئیں۔ جس میں ایک چار سالہ بچی رشالی کی لاش نکال لی گئی ہے۔ دو افراد کو بچا لیا گیا ہے۔ دونوں ہسپتال میں زیر علاج ہیں۔ کیس کی تفتیش کی جا رہی ہے۔ پہلی نظر سے لگتا ہے کہ حفاظتی انتظامات نہیں کیے گئے تھے۔ قصورواروں کے خلاف سخت ترین کارروائی کی جائے گی۔
مزید پڑھیں:۔ House Collapse in Muzaffarnagar موسلادھار بارش سے کچا مکان زمین دوز، دو بچوں کی موت، چھ زخمی
وہیں آگرہ کے پولیس کمشنر ڈاکٹر پرتیندر سنگھ نے کہا کہ بیسمنٹ کی کھدائی کی وجہ سے مکان کے گرنے کی اطلاع ملی ہے۔ تین افراد کو بچا لیا گیا ہے۔ سرچ آپریشن جاری ہے۔ ملزمان کے خلاف سخت کارروائی کی جائے گی۔ حادثے کا نوٹس لیتے ہوئے وزیر اعلیٰ یوگی آدتیہ ناتھ نے بھی حکام کو موقع پر پہنچنے اور بچاؤ کام تیز کرنے کی ہدایت دی۔ موصولہ اطلاعات کے مطابق حادثہ صبح تقریباً 7.30 بجے پیش آیا۔ مقامی لوگوں نے دھرم شالہ ٹرسٹ پر لاپرواہی کا الزام لگایا۔ ان کا کہنا ہے کہ مقامی لوگوں کے احتجاج کے باوجود ٹھیکیدار بیسمنٹ کی کھدائی کر رہا تھا۔ اس خوفناک حادثے میں ایک بچی کی موت ہو گئی، جب کہ دو لوگوں کو بچا کر ہسپتال میں داخل کرایا گیا ہے۔ حکام کا کہنا ہے کہ ملبے میں تین افراد کے دبے ہونے کی اطلاع ہے۔ سب کو نکال لیا گیا ہے۔ تاہم ریسکیو آپریشن ابھی بھی جاری ہے۔
