وزیر اعظم نریندر مودی آج اپنے ریڈیو پروگرام 'من کی بات' Radio Programme Mann Ki Baat کے ذریعہ قوم سے خطاب کیا۔ من کی بات کا یہ 84 واں ایڈیشن ہے۔
مودی نے آل انڈیا ریڈیو پر اپنے ماہانہ پروگرام 'من کی بات' میں لوگوں سے یہ اپیل کی ۔ انہوں نے کہا کہ 'من کی بات' میں ہم ایک ماہ بعد پھر ملیں گے، لیکن، 2022 میں۔ ہر نئی شروعات آپ کی صلاحیت کو پہچاننے کا موقع بھی لاتی ہے۔ اہداف جن کا ہم پہلے تصور بھی نہیں کرتے تھے۔ آج ملک ان کے لیے کوشش کر رہا ہے۔
وزیر اعظم نے کہا، 'ہمارے یہاں کہا جاتا ہے– شنشہ کناشچئیوا، ودھیام ارتھ چہ سادھیت۔ شنے نشٹے کتو ودیا،کنے نشٹے کتو دھنم ۔ یعنی جب ہم علم حاصل کرنا چاہتے ہیں، کچھ نیا سیکھنا چاہتے ہیں، کرنا چاہتے ہیں تو ہمیں ہر ایک لمحے سے استفادہ کرنا چاہیے۔ اور جب ہم نے پیسہ کمانا ہے یعنی ترقی کرنی ہے تو پھر ہر ذرہ یعنی ہر وسائل کا صحیح استعمال کرنا چاہیے۔ کیونکہ لمحہ بہ لمحہ فنا ہوجانے کے ساتھ علم کی دولت ختم ہو جاتی ہے اور ذرہ ذرہ فنا ہونے سے دولت اور ترقی کے راستے بند ہو جاتے ہیں۔'
انہوں نے کہا، 'یہ چیز ہم تمام ہم وطنوں کے لیے ایک ترغیب ہے۔ ہمارے پاس سیکھنے، اختراع کرنے، نئے مقاصد حاصل کرنے کے لیے بہت کچھ ہے، اس لیے ہمیں ایک لمحہ ضائع کیے بغیر قائم رہنا ہے۔ ہم نے ملک کو ترقی کی نئی بلندیوں پر لے جانا ہے اس لیے ہمیں اپنے ہر وسائل کا بھرپور استعمال کرنا ہوگا۔'
انہوں نے کہا، 'ایک طرح سے یہ خود انحصار بھارت کا منتر بھی ہے، کیونکہ جب ہم اپنے وسائل کا صحیح استعمال کریں گے، ہم انہیں ضائع نہیں ہونے دیں گے، تب ہی ہم مقامی لوگوں کی طاقت کو پہچانیں گے۔ ملک خود کفیل ہو گا۔ لہٰذا، آئیے ہم اپنے عزم کا اعادہ کریں کہ ہم بڑا سوچیں، بڑے خواب دیکھیں، اور انہیں سچ کرنے کے لیے سخت محنت کریں۔ اور، ہمارے خواب صرف ہم تک محدود نہیں رہیں گے۔ ہمارے خواب ایسے ہوں گے جس سے ہمارے معاشرے اور ملک کی ترقی وابستہ ہو، ہماری ترقی سے ہی ملک کی ترقی کا راستہ کھلے گا اور اس کے لیے ہمیں آج ایک لمحہ ضائع کیے بغیر، ایک ذرہ بھی ضائع کیے بغیر کام کرنا ہوگا۔
سب کو 2022 کی نیک خواہشات بھیجتے ہوئے جناب مودی نے کہا، ’’مجھے یقین ہے کہ اس عزم کے ساتھ آنے والے سال میں ملک آگے بڑھے گا، اور 2022 ایک نئے ہندوستان کی تعمیر کا سنہری صفحہ ہوگا۔'
واضح رہے کہ پچھلے سات سالوں سے ہر مہینے کے آخری اتوار کو وزیراعظم نریندر مودی پروگرام 'من کی بات' کے ذریعے مختلف موضوعات پر گفتگو کرتے ہیں۔
وہیں ہفتے کے روز، وزیراعظم نریندر مودی نے قوم سے خطاب PM Modi Addresses to Nation کرتے ہوئے کہا کہ 3 جنوری سے 15 سال سے 18 سال تک کی عمر کے بچوں کے لیے ویکسینیشن کی شروعات کی جائے گی۔
یہ بھی پڑھیں: PM Modi Addresses to Nation: پندرہ سے اٹھارہ برس کے بچوں کے لیے ویکیسن کی شروعات
انہوں نے یہ بھی اعلان کیا کہ صحت کی دیکھ بھال اور فرنٹ لائن ورکرز کو اگلے سال 10 جنوری سے 'احتیاطی خوراک' Precaution Dose دی جائے گی۔
