منیش سسودیا نے آج پریس کانفرنس Press Conference کرکے 12 ویں جماعت تک ڈھائی سو اسکولوں کی فہرست جاری کی ہے اور پنجاب کے وزیر اعلیٰ کا چیلنج قبول کرتے ہوئے کہا کہ 'اگر ان کے یہاں تعلیم بہتر ہے تو وہ بھی ڈھائی سو اسکول کی فہرست جاری کریں، تاکہ عوام کو پتہ چل سکے کہ کہاں کا تعلیمی معیار بہتر ہے۔ اس کے ساتھ ہی پنجاب کے وزیر تعلیم Minister Education کو بحث کرنے کا چیلنج دیا۔
انہوں نے کہا کہ دہلی کے سرکاری اسکولوں کے اس سال تقریباً 500 بچوں نے 'جے ای ای مینس' کے امتحان میں کوالیفائی کیا ہے۔ اس کے علاوہ تقریباً 70 بچوں نے جے ای ای ایڈوانسڈ امتحان پاس کیا ہے۔
- یہ بھی پڑھیں: دہلی : یکم نومبر سے تمام اسکول کھولنے کی اجازت
بتا دیں کہ حال ہی میں دہلی کے وزیر اعلی اروند کیجریوال Arvind Kejriwal پنجاب کے دورے پر تھے۔ وہاں موجود لوگوں سے خطاب کرتے ہوئے انہوں نے کہا کہ 'دہلی حکومت نے پانچ سالوں میں دہلی کے تعلیمی نظام میں کافی بہتری کی ہے۔ اس پر پنجاب کے وزیر تعلیم پرگٹ سنگھ نے کہا کہ پنجاب میں تعلیم پر بہت کام ہوا ہے لیکن دہلی میں کچھ نہیں کیا گیا'۔
اس دوران دہلی کے نائب وزیر اعلیٰ اور وزیر تعلیم منیش سسودیا نے کہا کہ پنجاب کے وزیر تعلیم پرگت سنگھ نے ڈھائی سو اسکولوں کی فہرست جاری کرنے کی بات کی ہے۔ اس کے تحت دہلی حکومت نے بحث کے لیے ڈھائی سو اسکولوں کی فہرست جاری کی ہے۔ انہوں نے کہا کہ اب اگر پنجاب میں صحیح معنوں میں تعلیم میں بہتری آئی ہے تو پنجاب حکومت آج رات تک ڈھائی سو اسکولوں کی فہرست جاری کرے تاکہ تعلیم پر بحث ہو سکے۔
