امپھال: اپوزیشن اتحاد انڈیا کے 21 ارکان پارلیمنٹ پر مشتمل وفد نے منی پور میں ریلیف کیمپوں کا دورہ کیا اور متاثرین کی روداد سنی۔ 'انڈیا' کی ایک ٹیم نے ان خواتین کے اہل خانہ سے بھی ملاقات کی جنہیں ہجوم نے چار مئی کو برہنہ کر کے سڑکوں اور گلیوں میں پریڈ کرائی تھی۔ ایک متاثرہ لڑکی کی ماں نے وفد سے بات کرتے ہوئے مجرموں کو سزائے موت دینے کا مطالبہ کیا۔ لڑکی کی ماں نے اپنے بیٹے اور شوہر کی لاش دیکھنے کی خواہش ظاہر کی جنہیں اسی دن قتل کر دیا گیا تھا۔ جب اپوزیشن جماعتوں کے اتحاد 'انڈیا' کے اراکین پارلیمنٹ نے متاثرہ خاندان سے ملاقات کی، اس دوران متاثرہ کی ماں نے نیوز ایجنسی پی ٹی آئی سے بات کرتے ہوئے مجرموں کو سزائے موت دینے کا مطالبہ کیا۔ متاثرہ کی ماں نے کہا کہ "مجھے مرکزی حکومت پر بھروسہ ہے، لیکن ریاستی حکومت پر نہیں ہے۔"
-
मणिपुर में INDIA के डेलिगेशन ने राहत शिविरों में जाकर लोगों से बात की, उनकी तकलीफें समझीं और उन्हें हिम्मत दी।
— Congress (@INCIndia) July 29, 2023 " class="align-text-top noRightClick twitterSection" data="
हम मणिपुर में शांति बहाल करने की हर संभव कोशिश कर रहे हैं। हम सभी मणिपुर के साथ खड़े हैं। pic.twitter.com/meGrmEm2Rk
">मणिपुर में INDIA के डेलिगेशन ने राहत शिविरों में जाकर लोगों से बात की, उनकी तकलीफें समझीं और उन्हें हिम्मत दी।
— Congress (@INCIndia) July 29, 2023
हम मणिपुर में शांति बहाल करने की हर संभव कोशिश कर रहे हैं। हम सभी मणिपुर के साथ खड़े हैं। pic.twitter.com/meGrmEm2Rkमणिपुर में INDIA के डेलिगेशन ने राहत शिविरों में जाकर लोगों से बात की, उनकी तकलीफें समझीं और उन्हें हिम्मत दी।
— Congress (@INCIndia) July 29, 2023
हम मणिपुर में शांति बहाल करने की हर संभव कोशिश कर रहे हैं। हम सभी मणिपुर के साथ खड़े हैं। pic.twitter.com/meGrmEm2Rk
انہوں نے یہ بھی کہا کہ 'میں یہ بتانا چاہتی ہوں کہ ہم قبائلی ہیں، اقلیت ہیں، ہم میئتی قبائلیوں کے ساتھ مزید نہیں رہ سکتے۔ دوسری بات یہ ہے کہ اگر ممکن ہو تو میں کم از کم اپنے بیٹے اور شوہر کی لاشیں دیکھنا چاہتی ہوں۔ چار مئی کو منی پور میں ایک 21 سالہ لڑکی سمیت دو خواتین کو برہنہ کر کے سڑکوں پر گھمایا گیا، اسی دن اس لڑکی کے بھائی اور باپ کو ایک ہجوم نے ہلاک کر دیا تھا۔ اپوزیشن جماعتوں کے 21 ارکان پارلیمنٹ کا ایک وفد ریاست کے دو روزہ دورے پر ہے اور تشدد سے متاثرہ لوگوں سے ملاقات کر رہا ہے۔
اپوزیشن اتحاد 'انڈیا' کی ایک ٹیم نے چوراچند پور کا دورہ کیا۔ اپوزیشن کے وفد نے ہفتہ کو منی پور کے فسادات زدہ قصبہ چوراچند پور کا دورہ کیا اور کوکی رہنماؤں اور سول سوسائٹی کے اراکین کے علاوہ ریلیف کیمپوں میں مقیم نسلی تشدد کے متاثرین سے ملاقات کی۔ کانگریس لیڈر ادھیر رنجن چودھری نے ایک ریلیف کیمپ کا دورہ کرنے کے بعد نامہ نگاروں سے کہا کہ "وہ سنٹرل بیورو آف انویسٹی گیشن (سی بی آئی) کی جانچ (جرائم کی) کی بات کر رہے ہیں۔ میں پوچھنا چاہتا ہوں کہ کیا وہ (مرکزی حکومت) ابھی تک سو رہی تھی؟
ترنمول کانگریس (ٹی ایم سی) کے لیڈر سشمیتا دیو نے کہا کہ وفد دونوں برادریوں کے نمائندوں سے بات کرے گی۔ انہوں نے کہا کہ 'سب کی آواز سنی جانی چاہیے۔ ہم کوکی اور میئتی دونوں سے بات کریں گے۔ اپوزیشن اتحاد 'انڈین نیشنل ڈیولپمنٹ انکلوسیو الائنس' (انڈیا) کے 21 ارکان پارلیمنٹ کا ایک وفد ہفتہ کو تشدد سے متاثرہ منی پور کے دو روزہ دورے پر زمینی حقیقت کا جائزہ لینے کے لیے امپھال پہنچا اور پھر وہاں سے وفد ارکان دو ہیلی کاپٹروں میں چوراچند پور کے لیے روانہ ہوئے۔
ادھیر رنجن چودھری کی قیادت میں ٹیم نے چورا چند پور کالج کے ہاسٹل میں قائم امدادی کیمپ کا دورہ کیا۔ لوک سبھا میں کانگریس کے ڈپٹی لیڈر گورو گوگوئی اور دیگر پر مشتمل ایک اور ٹیم نے چورا چند پور کے ڈان باسکو اسکول میں ریلیف کیمپ کا دورہ کیا۔ گوگوئی نے کہا کہ ہم یہاں امن کا پیغام دینے آئے ہیں۔ اپوزیشن ارکان پارلیمنٹ کا ایک وفد آج صبح یہاں راج بھون میں گورنر انوسویا یوکی سے ملاقات کرے گا تاکہ موجودہ صورت حال اور منی پور میں جلد از جلد امن قائم کرنے کے ممکنہ اقدامات پر تبادلہ خیال کیا جا سکے۔ ٹیم کو اتوار کی دوپہر قومی دارالحکومت دہلی واپس جانا ہے۔
مزید پڑھیں: Opposition Manipur Visit اپوزیشن اتحاد انڈیا کا وفد منی پور دورے پر امپھال پہنچا
آپ کو بتاتے چلیں کہ ریاست میں تین مئی کو پہاڑی اضلاع میں 'قبائلی یکجہتی مارچ' کے انعقاد کے بعد ریاست میں شروع ہونے والے نسلی تشدد میں 160 سے زیادہ افراد ہلاک ہوچکے ہیں۔ منی پور کی آبادی میئتی کمیونٹی کی تعداد تقریباً 53 فیصد پر مشتمل ہے اور وہ بنیادی طور پر وادی امپھال میں رہتے ہیں۔ وہیں ناگا اور کوکی جیسے قبائلی آبادی کا 40 فیصد ہیں اور وہ زیادہ تر پہاڑی اضلاع میں رہتے ہیں۔
