اکھل بھارتیہ اکھاڑہ پریشد کے صدر مہنت نریندر گری کی مشتبہ موت کے معاملے میں ان کے شاگرد آنند گری کے خلاف مقدمہ درج کرایا گیا ہے۔
پولیس ترجمان نے منگل کو یہاں بتایا کہ بندوا واقع ہنومان مندر کے منتظم امر گری کی ذریعہ پیر کی دیر رات دی گئی تحریر کی بنیاد پر جارج ٹاون تھانے میں آنند گری کے خلاف تعزیرات ہند کی دفعہ 306کے تحت مقدمہ درج کیا گیا ہے۔ ان کے خلاف خودکشی کے لیے اکسانے کا الزام ہے۔
تحریر میں امر گری سنگھ نے مہنت نریندر گری اور ان کے شاگرد کے درمیان تنازع کی بات کا ذکر کیا ہے۔ تحریر میں وارات کا بھی ذکر کیا گیا ہے۔نریندر گری نے اپنے خودکشی کے نوٹ میں آنند گری کے علاوہ ہنومان مندر کے مین پجاری آگیا پرساد اور ان کے بیٹے سندیپ پر بھی پریشان کرنے کا الزام لگایا ہے۔لیکن تحریر میں صرف آنند گری کے خلاف ایف آئی آر درج کی گئی ہے۔
پولیس کا کہنا ہے کہ سوسائڈ نوٹ اور پوسٹ مارٹم روپرٹ کی بنیاد پر آگے کی کاروائی کی جائے گی۔
یو این آئی
