سڑک حادثے میں دولہا سمیت 6 باراتیوں کی موقع پر ہی موت

مدھیہ پردیش کے اندور کھنڈوا میں ایک دردناک سڑک حادثہ پیش آیا ہے۔ کھنڈوا بیتول شاہراہ پر گاؤں مہلو کے قریب ٹریکٹر کی ٹرالی الٹ گئی۔ اس حادثے میں دولہا سمیت 6 باراتیوں کی موقع پر ہی موت ہوگئی اور 18 شدید زخمی ہوئے۔ زخمیوں کو ہرسود اورخلوہ اسپتال میں داخل کرایا گیا ہے۔

عینی شاہدین کا کہنا ہے کہ حادثہ بہت خطرناک تھا ٹریکٹر ٹرالی میں 35 سے زائد باراتی سوار تھے، ایسی صورت میں ہلاکتوں کی تعداد میں اضافہ ہوسکتا ہے۔

بتایا جارہا ہے کہ جیسے ہی ٹریکٹر کی ٹرالی پلٹی، اس میں موجود تمام افراد نیچے گر پڑے اور موقع پر ہی افراتفری مچ گئی۔ زخمیوں کو ہسپتال لانے کے لئے پانچ ایمبولینس موقع پر پہنچی۔

حادثے کے بارے میں اطلاع ملنے پر، کھنڈوا کے کلکٹر اننے دویدی اور ایس پی وویک سنگھ بھی حادثے کی جگہ پر پہنچے اور زخمیوں کو جلد ہسپتال پہنچانے میں مدد فراہم کی۔ زخمیوں ابتدائی طبی امداد کے بعد ضلعی اسپتال میں داخل کرایا گیا ہے۔

پنچائت نے ہلاک شدگان کے اہل خانہ کو چھ ہزار روپے امدادی رقم دی گئی ہے۔ بارات موجواڑی سے گاؤں مہلو جارہی تھی یہ حادثہ مہلو سے 5 کلومیٹر کے فاصلے پر پیش آیا۔