بھارت رتن اور معروف گلوکارہ لتا منگیشکر کی آخری رسومات کو اتوار کی شام ممبئی کے شیواجی پارک میں ادا کر دی Lata Mangeshkar Cremated In Mumbaiگئی۔ لتا منگیشکر کے بھائی ہردے ناتھ منگیشکر نے ان کی آخری رسوم ادا کیا۔
اس موقع پر گورنر بھگت سنگھ کوشیہاری، وزیر اعلیٰ ادھو ٹھاکرے، ان کی اہلیہ رشمی ٹھاکرے، نائب وزیر اعلیٰ اجیت پوار، نیشنلسٹ کانگریس پارٹی کے صدر شرد پوار، ان کی بیٹی اور رکن پارلیمنٹ سپریا سولے، مرکزی وزیر پیوش گوئل، بھارت رتن سچن تندولکر، مہاراشٹر نونرمان سینا کے صدر راج ٹھاکرے، ان کی اہلیہ شرمیلا ٹھاکرے موجود تھے۔
وزیر اعلیٰ کے بیٹے اور وزیر آدتیہ ٹھاکرے، شیو سینا کے راجیہ سبھا کے رکن انیل دیسائی، ممبئی کی میئر کشوری پیڈنیکر، ممبئی میونسپل کارپوریشن کے کمشنر اقبال چہل، سابق وزیر اعلیٰ دیویندر فڑنویس اور کئی دیگر معززین نے محترمہ لتا منگیشکر کی آخری رسومات میں شرکت کی۔
بالی ووڈ میگا اسٹار امیتابھ بچن اپنی بیٹی شویتا کے ہمراہ آخری رسومات پر پہنچے تھے۔ محترمہ لتا منگیشکر کی آخری رسومات میں شاہ رخ خان کے علاوہ بالی ووڈ کی کئی مشہور شخصیات نے شرکت کی۔
یہ بھی پڑھیں: Lata Mangeshkar passes away: بے مثال اور جادوئی آواز ہمیشہ کے لئے خاموش
ان کی لاش کو آخری رسومات کے لیے 15.30 بجے پربھو کنج سے شیواجی پارک لے جایا گیا جو محترمہ لتا منگیشکر کا گھر ہے۔ راستے میں سڑک کے دونوں طرف ان کے آخری دیدار کے لیے لوگوں کا ہجوم تھا۔
وہ ہاتھوں میں پھول لے کر لتا جی کی میت پر چڑھا رہے تھے۔ اس گاڑی میں ان کی بہن اوشا منگیشکر اور خاندان کے دیگر افراد سوار تھے جس میں ان کی لاش رکھی گئی تھی۔
واضح رہے کہ محترمہ لتا منگیشکر کا آج صبح 8.12 بجے یہاں بریچ کینڈی اسپتال میں انتقال ہوگیا تھا۔ انہیں 8 جنوری کو کورونا وائرس سے متاثر ہونے کے بعد یہاں کے بریچ کینڈی اسپتال میں داخل کرایا گیا تھا۔
یواین آئی
