کیمور میں ڈی سی ایم وین سے بھاری مقدار میں شراب برآمد

ریاست بہار کے کیمور میں درگاوتی تھانہ علاقے کے تحت کلہڈیہہ گاؤں کے قریب نیشنل ہائی وے فورلین روڈ پر چیکنگ کے دوران پولیس نے ایک ڈی سی ایم وین سے بھاری مقدار میں شراب برآمد کی گئی۔

اطلاعات کے مطابق معمول کی چیکنگ کے دوران ہائی وے پر ایک ڈی سی ایم وین کو روک کر تلاشی لی گئی جس کے بعد اس وین میں بڑی مقدار میں شراب کی موجودگی کا پتہ چلا۔

پولیس کے مطابق ڈی سی ایم وین میں 17 سو لیٹر شراب موجود تھی جسے ضبط کرتے ہوئے دو افراد کو حراست میں لے لیا گیا۔ گرفتار شدگان کا تعلق ریاست ہریانہ کے شہر حسار سے بتایا جارہا ہے۔

پولیس نے دونوں افراد کو گرفتار کرلیا اور ڈی سی ایم وین اور شراب کو ضبط کرتے ہوئے مزید تحقیقات شروع کردیں۔