مرکزی وزیر خزانہ نرملا سیتارمن 2021-22 کے اقتصادی بجٹ کے ساتھ یکم فروری کو ریلوے بجٹ پیش کرنے جارہی ہیں۔ ریلوے بجٹ پیش کیے جانے سے قبل عوام کی کیا رائے ہے اس بارے میں ہمارے نامہ نگاروں نے ان سے بات چیت کی۔
ہر سال کی طرح اس سال بھی وزیر خزانہ نرملا سیتارمن یکم فروری کو 2021-22 کا اقتصادی بجٹ پیش کریں گی، اگرچہ معاشرے کے ہر طبقے کو اس بجٹ سے بہت سی توقعات وابستہ ہیں لیکن جب بات ریلوے مسافروں کی ہوتی ہے تو اس میں لوگوں کی مختلف رائے شامل ہوتی ہے۔
ریلوے سفر کے دوران بینادی سہولیات جیسے سکیورٹی کے پختہ انتظامات، کھانے پینے کی معقول سہولیات سمیت ٹکٹ کی فراہمی اور کنفرم ٹکٹ کی دستیابی اہم مسائل ہیں جو مسافروں کی اولین ترجیح ہوتی ہے۔
نامہ نگار نے جب نئی دہلی ریلوے اسٹیشن پر کچھ مسافروں سے بات کی تو ان میں سے متعدد مسافروں نے ریلوے کی موجودہ سہولیات کو بہتر بنانے کی بات کہی جبکہ کچھ اضافی سہولیات بھی چاہتے ہیں۔
اس میں ٹریک کی دیکھ بھال اور اس میں اضافے کے علاوہ ٹرینوں کی تعداد میں اضافہ کا مطالبہ بھی شامل ہے۔
