عترت فاونڈیشن نے ڈپٹی کمشنر بانڈی پورہ ڈاکٹر اویس احمد اور دیگر ضلع اور صحت کے عہدیداروں کی موجودگی میں ضلع اسپتال بانڈی پورہ کو پانچ آکسیجن سلنڈر اور دیگر طبی سامان عطیہ کیا۔
عترت فاونڈیشن ضلع میں کووڈ 19 وبائی بیماری کے آغاز کے ساتھ ہی اس وبا کے خلاف مسلسل جدوجہد کر رہا ہے کیونکہ اس نے مختلف ذرائع سے ضلع انتظامیہ کی مدد کی تھی۔ عترت نے پچھلے سال رابطے کے لیے ویب سائٹ تیار کرنے میں ضلع انتظامیہ کی بھی مدد کی تھی۔
فاونڈیشن کے ارکان نے بتایا کہ اس نے کووڈ 19 وبائی بیماری کی دوسری لہر کا مقابلہ کرنے کے لئے ڈی ایچ بانڈی پورہ کو آکسیجن سلنڈر اور طبی سازوسامان عطیہ کیا۔ انہوں نے کہا کہ لوگوں کو آگے آنا چاہئے اور ان ٹیسٹنگ ٹیمز میں ضلع انتظامیہ اور دیگر محکمہ جات کے ساتھ کوآرڈینیشن میں مدد فراہم کرنا چاہئے۔
انہوں نے محترمہ سعدیہ کے اس تعاون کے لیے ان کا شکریہ ادا کیا۔ انہوں نے چیئرمین جے کے سول سوسائٹی فاؤنڈیشن بانڈی پورہ، بلال احمد لون کا بھی شکریہ ادا کیا۔ عترت نے اپنی ٹیم شبیر احمد بھٹ، معراج الدین مدثر احمد لون، خواجہ شاہد، شیزان ندف اور زمین میر کو بھی ان بحرانوں میں ہمیشہ پیش پیش رہنے پر سراہا۔
دریں اثنا ضلع انتظامیہ بانڈی پورہ نے خواجہ عترت فاؤنڈیشن کو آکسیجن سلنڈر اور دیگر طبی سازوسامان مہیا کرنے پر سراہا اور ان کا شکریہ ادا کیا جس سے اس وبائی امراض کا مقابلہ کرنے میں مدد ملے گی۔
